కొత్తగా 1295 మందికి కొవిడ్‌

ఒంగోలు నగరం, న్యూస్‌టుడే: జిల్లాలో బుధవారం 1295 మందికి కొవిడ్‌ నిర్ధారణ అయింది. మంగళవారం ఉదయం 9 నుంచి బుధవారం ఉదయం 9 గంటల వరకు ల్యాబొరేటరీలో 2215 మందికి పరీక్షలు చేయగా ఇవి వెలుగుచూశాయి. పాజిటివిటీ రేటు 58.5గా నమోదైంది. పామూరు మండలం బొట్లగూడూరులో 75 మందికి పరీక్షలు చేయగా.. 59 మందికి(78.7శాతం) వైరస్‌ సోకినట్లు తేలింది. ఒంగోలు నగరంలోని వెంకటేశ్వర కాలనీ అర్భన్‌ హెల్త్‌సెంటర్‌ పరిధిలో 65 మందికి పరీక్ష చేయగా.. 48 పాజిటివ్‌ కేసులొచ్చాయి. వ్యాక్సినేషన్‌ ప్రక్రియ వేగంగా కొనసాగుతోంది. 173 కేంద్రాల ద్వారా 18 ఏళ్లు దాటిన వారు 18,931 మందికి, బూస్టర్‌ డోస్‌గా 46,236 మందికి టీకాలు వేశారు.