మన్యం జిల్లా కేంద్రంగా సీతంపేటను ప్రకటించాలి

సీతంపేటలో సమావేశమైన ఆదివాసీ సంఘాల ఐకాస నాయకులు

సీతంపేట, న్యూస్‌టుడే: పూర్తి గిరిజన ప్రాంతమైన సీతంపేటను మన్యం జిల్లా కేంద్రంగా ప్రకటించాలని ఆదివాసీ సంఘాల జేఏసీ నాయకులు డిమాండ్‌ చేశారు. సీతంపేటలోని సామాజిక భవనంలో శుక్రవారం సమావేశమై చర్చించారు. ఈ మేరకు నేడు(శనివారం) సీతంపేట ఆశ్రమ పాఠశాల నుంచి ఐటీడీఏ వరకు శాంతియుత నిరసన ర్యాలీ జరపనున్నట్లు పేర్కొన్నారు. ఐటీడీఏను యథావిధిగా ఉంచాలని డిమాండ్‌ చేశారు. నాయకులు బి.ఉమామహేశ్వరరావు, ఎ.భాస్కరరావు, బి.రామ్మోహనరావు తదితరులు ఉన్నారు. * సీతంపేట ఐటీడీఏ కేంద్రంగా మన్యం జిల్లాగా ప్రకటించాలని గిరిజన ఐక్యవేదిక రాష్ట్ర ఉపాధ్యక్షుడు బిడ్డిక తేజేశ్వరరావు, జిల్లా నాయకులు ఎ.మన్మధరావు, ఎం.శ్యామ్‌బాబు, ఎన్‌.కాంతారావు, పి.శ్రీనివాసరావు కోరారు.