కేరళలో వేగంగా వ్యాప్తి చెందుతున్న బర్డ్‌ఫ్లూ

రాష్ట్రంలో ముందస్తు జాగ్రత్త చర్యలు

రాష్ట్ర సరిహద్దుల్లో వాహనాలను పరిశీలిస్తున్న ఆరోగ్యశాఖ బృందం

ఆర్కేనగర్‌, న్యూస్‌టుడే: కేరళలో బర్డ్‌ఫ్లూ వేగంగా వ్యాప్తి చెందుతున్న నేపథ్యంలో రాష్ట్రంలో ఆరోగ్యశాఖ ముందస్తు జాగ్రత్త చర్యలు చేపట్టింది. ఇందుకు సంబంధించి మార్గదర్శకాలను రాష్ట్ర ప్రభుత్వం విడుదల చేసింది. గత నెల నుంచి కేరళ నుంచి కోళ్లు, పక్షులను తరలిస్తున్న వాహనాలను పూర్తిగా పరిశీలించిన తర్వాతే రాష్ట్ర సరిహద్దులోకి అనుమతిస్తున్నారు. అదేవిధంగా రాష్ట్ర ఆరోగ్యశాఖ జిల్లా ఆరోగ్య విభాగ డైరెక్టర్లకు కొన్ని సూచనలు చేసింది. కేరళ రాష్ట్రం నుంచి కోళ్ల వ్యర్థాలను తీసుకొచ్చే వాహనాలను అనుమతించకూడదని, వ్యాధి లక్షణాలున్న వారిని గుర్తిస్తే వారికి వెంటనే చికిత్స అందించాలని తెలిపింది.