50 టన్నుల ‘బల్బీర్‌’ అప్పగింత

సింధియా, న్యూస్‌టుడే: హిందుస్థాన్‌ షిప్‌యార్డు నిర్మించిన 50 టన్నుల బొలార్ట్‌ పుల్‌టగ్‌ ‘బల్బీర్‌’ను సోమవారం నౌకాదళ అధికారులకు అప్పగించారు. ముంబయి నేవల్‌ డాక్‌యార్డులో జరిగిన ప్రత్యేక కార్యక్రమంలో ఈ టగ్‌కు సంబంధించిన ఐఆర్‌ఎస్‌ అధికారిక పత్రాలను షిప్‌యార్డు యాజమాన్యం, భారత నౌకాదళం అధికారులు పరస్పరం ఇచ్చిపుచ్చుకున్నారు. 2019లో కుదిరిన ఒప్పందం ప్రకారం గతేడాది అక్టోబరు, డిసెంబరు నెలల్లో 50 టన్నుల బొలార్డ్‌ పుల్‌ టగ్‌లు ‘వీరన్‌’, ‘బాలరాజ్‌’, ‘బలరాం’లను అప్పగించిన సంగతి తెలిసిందే. ఈ టగ్‌లు భారత నౌకాదళానికి అనుబంధంగా సహాయక చర్యలు, ఫ్లీట్‌ రివ్యూలో సేవలు అందించనున్నాయని నేవీ వర్గాలు తెలిపాయి.