రామచంద్రుడికి అప్పన్న స్వామి కానుకలు

పట్టువస్త్రాలు, ముత్యాల తలంబ్రాలతో రామతీర్థం వెళ్తున్న ఈఓ త్రినాథరావు దంపతులు

సింహాచలం, న్యూస్‌టుడే: శ్రీరామనవమి పర్వదినాన్ని పురస్కరించుకుని విజయనగరం జిల్లా రామతీర్థంలో కొలువైన సీతారాములకు సింహాద్రి అప్పన్నస్వామి తరఫున కానుకలు సమర్పించారు. ఈవో వి.త్రినాథరావు దంపతులు గురువారం సింహాచలం దేవస్థానం తరఫున ముత్యాల తలంబ్రాలు, పట్టువస్త్రాలు అందజేశారు. తొలుత సింహగిరి ఆలయంలో ప్రత్యేక పూజలు చేశారు. పండితులు వేదమంత్రోచ్ఛారణలు, నాదస్వర మంగళవాయిద్యాల నడుమ కానుకలతో ఆలయ బేడామండపం ప్రదక్షిణం చేశారు. అర్చక పరివారం, అధికారులతో ఊరేగింపుగా వెళ్లి సీతారాములకు కానుకలు సమర్పించారు.

రామతీర్థంలో సమర్పించిన ముత్యాల తలంబ్రాలు, పట్టువస్త్రాలు