నయనానందకరం.. సహస్ర కలశాభిషేకం

రంగంపేట, న్యూస్‌టుడే: శ్రీభద్రకాళి అమ్మవారి సహస్ర కలశాభిషేకం నయనానందకరంగా సాగింది. వేయి కలశాలతో అమ్మవారి అభిషేకం వైభవంగా నిర్వహించారు. ప్రధానార్చకుడు శేషు ఆధ్వర్యంలో పాలు, పెరుగు, తేనె, నెయ్యి, పంచామృతాలు, గంధం, చందనం, విభూది, కుంకుమ, ధాన్యాలు, తైలాలు, కాషాయాలు, దేశంలోని వివిధ పుణ్యనదీ జలాలతో సహస్ర కలశాభిషేకం కనుల పండువగా జరిగింది. గురువారం తెల్లవారు జామున  శాకాంబరీ నవరాత్ర యాగాన్ని నిర్వహించారు. ఉదయం కాళిగా, సాయంత్రం కామేశ్వరిగా అలంకరించి పూజారాధనలు జరిపారు. చీఫ్‌విప్‌ దాస్యం వినయ్‌భాస్కర్‌ దంపతులు జ్యోతి వెలిగించి ఉత్సవాలను ప్రారంభించారు. మేయర్‌ గుండు సుధారాణి అమ్మవారిని దర్శించుకున్నారు.