ఉత్తమ శకటంగా నారీశక్తి

కేంద్ర మంత్రి చేతుల మీదుగా పురస్కారం అందుకుంటున్న పారామిలటరీ

బలగాల ఉన్నతాధికారులు. చిత్రంలో కోమల్‌ప్రీత్‌కౌర్‌ (వృత్తంలో)

కాటారం, న్యూస్‌టుడే: గణతంత్ర దినోత్సవంలో సాయుధ బలగాల్లో మహిళల సత్తా చాటిచెప్పేలా ప్రదర్శించిన నారీశక్తి శకటానికి అత్యుత్తమ ప్రజాధరణ కలిగిన శకటంగా పురస్కారం లభించింది. ఈ శకటం బృందానికి జయశంకర్‌ భూపాలపల్లి జిల్లా కాటారం సీఆర్పీఎఫ్‌ 58వ బెటాలియన్‌కు చెందిన అసిస్టెంట్‌ కమాండెంట్‌ కోమల్‌ ప్రీత్‌కౌర్‌ నేతృత్వం వహించారు. దీని రూపకల్పనలోనూ ఆమె కీలక పాత్ర పోషించారు. దిల్లీలో బుధవారం కేంద్ర రక్షణశాఖ సహాయమంత్రి అజయ్‌భట్‌ చేతుల మీదుగా జరిగిన పురస్కారాల ప్రదానోత్సవ కార్యక్రమంలో పారామిలటరీ బలగాల ఉన్నతాధికారులతో కలిసి కోమల్‌ప్రీత్‌కౌర్‌ పాల్గొన్నారు.