CRDA: ప్లాట్ల అమ్మకానికి సీఆర్‌డీఏ నోటిఫికేషన్‌

అజిత్‌సింగ్‌నగర్‌, న్యూస్‌టుడే : మంగళగిరి మండలం నవులూరులోని అమరావతి టౌన్‌ షిప్‌లో మిగిలిన ప్లాట్ల అమ్మకానికి ఏపీ సీఆర్‌డీఏ నోటిఫికేషన్‌ను జారీ చేసినట్లు సీఆర్‌డీఏ కార్యాలయ అధికారులు గురువారం ఓ ప్రకటనలో తెలిపారు. మొత్తం 12 లాట్లలో లాట్‌-1ను ఈ-ఆక్షన్‌ పద్ధతిలో అమ్మేందుకు నోటిఫికేషన్‌ జారీ చేసినట్లు పేర్కొన్నారు. ఈ ప్లాట్లకు సంబంధించిన వివరాలను ప్రభుత్వ కొనుగోలు పోర్టల్‌లో అందుబాటులో ఉంచినట్లు తెలిపారు. ప్లాట్ల కొనుగోలుకు ఆసక్తి గల వారు ఈ నెల 13వ తేదీ నుంచి 27వ తేదీలోపు ఆన్‌లైన్లో దరఖాస్తులు చేసుకోవడానికి అవకాశం కల్పించారు.