పెనమలూరు, న్యూస్‌టుడే: ఎన్నికల నేపథ్యంలో కృష్ణా జిల్లా పోరంకిలో జరిగిన ఘర్షణలపై మరో కేసు నమోదైంది. ఇప్పటికే మంత్రి జోగి రమేష్‌, ఆయన కుమారులు, అనుచరులపై పోలీసులు కేసు నమోదు చేశారు. గురువారం పెనమలూరు నియోజకవర్గ తెదేపా అభ్యర్థి బోడే ప్రసాద్‌, ఆయన అనుచరులపైనా కేసు నమోదు చేశారు. పోలీసులు తెలిపిన వివరాల ప్రకారం.. ఈ నెల 13న పోరంకిలో దొంగ ఓట్లు వేస్తున్నారన్న విషయంపై వైకాపా, తెదేపా వర్గీయులు పోరంకి- నిడమానూరు రహదారిపై ఘర్షణకు దిగారు. అదే రోజు సాయంత్రం బోడే ప్రసాద్‌, మరికొందరు అనుచరులతో కలిసి జడ్పీ ఉన్నత పాఠశాలలోకి చొరబడి ఓటర్లను ప్రభావితం చేసేలా ప్రవర్తించారని వీఆర్వో అబ్దుల్‌ అలామ్‌ పెనమలూరు పోలీసులకు ఫిర్యాదు ఇచ్చారు. తెదేపా అభ్యర్థి బోడే ప్రసాద్‌, ఆయన సోదరుడు బోడే సురేష్‌, అనుచరులు అన్నే చంటి, పవన్‌, భార్గవ్‌, వీరూ యాదవ్‌, మరికొందరిపై కేసు నమోదు చేశారు.