Stand Up Rahul: అది నా తప్పా?

రాజ్‌తరుణ్‌ హీరోగా శాంటో మోహన్‌ వీరంకి తెరకెక్కిస్తున్న చిత్రం ‘స్టాండప్‌ రాహుల్‌’. కూర్చుంది చాలు అనేది ఉపశీర్షిక. నందకుమార్‌ అబ్బినేని, భరత్‌ మాగులూరి నిర్మించారు. వర్ష బొల్లమ్మ కథానాయిక. ఈ సినిమా త్వరలో ప్రేక్షకుల ముందుకు రానుంది. ఈ నేపథ్యంలోనే ప్రచార కార్యక్రమాల్లో భాగంగా హీరో నితిన్‌ ‘‘నా తప్పా?’’ అనే పాటను విడుదల చేశారు. ఈ గీతానికి స్వీకర్‌ అగస్తి స్వరాలు సమకూర్చగా.. రఘురామ్‌ సాహిత్యమందించారు. బెన్నీ దయాల్‌ ఆలపించారు. ‘‘జీవితంలో ఏ విషయానికీ నిల్చోవడానికి ఇష్టపడని వ్యక్తి.. స్టాండప్‌ కమెడియన్‌గా మారతాడు. అలాంటి యువకుడికి నిజమైన ప్రేమ ఎదురవుతుంది. ఈ క్రమంలో తన తల్లిదండ్రులు, ప్రేమించిన అమ్మాయి, తన స్టాండప్‌ కామెడీ కోసం అతనెలా కష్టపడ్డాడన్నది చిత్ర కథాంశం’’ అని చిత్ర వర్గాలు తెలిపాయి. ఈ సినిమాకి కూర్పు: రవితేజ గిరిజెల్లా, కెమెరా: శ్రీరాజ్‌ రవీంద్రన్‌.