వధువు చందమామ.. వరుడి గురించి తెలుసా?

* గౌతమ్‌ ఓ వ్యాపారవేత్త. డిసెర్న్ లివింగ్ అనే డిజైనింగ్‌ సంస్థను స్థాపించారు. ఇన్‌స్టాగ్రామ్‌ ప్రొఫైల్‌లో ఆయన తనను తాను ఇంటీరియర్‌గా, టెక్‌-డిజైన్‌ ఔత్సాహికుడిగా వర్ణించుకున్నారు. ఆయన తన ఖాతాలో దాదాపు డిజైనింగ్‌కు సంబంధించిన ఫొటోలను మాత్రమే షేర్‌ చేశారు.

* ఇంటిని, గదుల్ని డిజైన్‌ చేయడంతోపాటు గౌతమ్‌ ఫర్నీచర్‌, అలంకరణ వస్తువులు, పెయింటింగ్‌ వంటి సామాగ్రిని కూడా తన కంపెనీ ద్వారా విక్రయిస్తున్నారు.

* గౌతమ్‌ సోషల్‌ మీడియాలో చురుకుగా ఉన్నట్లు తెలుస్తోంది. తన పనికి సంబంధించిన ఫొటోలను తరచూ షేర్‌ చేస్తున్నారు. ఇప్పటి వరకు 869 పోస్ట్‌లు చేశారు. ఆయన్ను 12.5k మంది ఇన్‌స్టాగ్రామ్‌లో అనుసరిస్తున్నారు.

* గౌతమ్‌ బీచ్‌లో తన పుట్టిన రోజును సెలబ్రేట్‌ చేసుకున్న ఫొటోలు ఆగస్టు 16న షేర్‌ చేశారు. మరో ఏడాది పూర్తయిందన్నారు.

* గౌతమ్‌ ఫిట్‌నెస్‌కు అధిక ప్రాధాన్యం ఇస్తారు. ఆయన గత ఏడేళ్లుగా ముంబయి మారథాన్‌లో పాల్గొంటున్నారట. ఈ సందర్భంగా తీసిన ఫొటోల్ని కూడా షేర్‌ చేశారు. కాజల్‌ కూడా పలుమార్లు ఇందులో పాల్గొన్నారు.

* గత ఏడాది గౌతమ్‌ తన సోదరికి ప్రత్యేకంగా రాఖీ శుభాకాంక్షలు చెప్పారు. ఇద్దరూ ఫోన్లు చూసుకుంటున్న ఫొటో షేర్‌ చేసి.. తన సోదరికి సోషల్‌ మీడియా వేదికగా విష్‌ చేయడమే సరైన పద్ధతని సరదాగా మాట్లాడారు.

* గత ఏడాది మార్చి 8న మహిళా దినోత్సవం సందర్భంగా గౌతమ్‌ తన తల్లి, సోదరి కలిసి ఉన్న ఫొటోను పంచుకున్నారు. ‘హ్యాపీ ఉమెన్స్‌ డే. నా జీవితంలోని అద్భుతమైన మహిళలకు ధన్యవాదాలు’ అని పేర్కొన్నారు.

* గౌతమ్‌కు ప్రకృతి, జంతువులు, ఫొటోగ్రఫీ అంటే ఇష్టం ఉన్నట్లు తెలుస్తోంది. 2018 డిసెంబరులో దక్షిణాఫ్రికాకు వెళ్లి.. అక్కడ జంతువుల ఫొటోలు తీసి.. షేర్‌ చేశారు. ఫొటోగ్రఫీ రోజున శుభాకాంక్షలు చెప్పారు.

* 2017 జనవరిలో గౌతమ్‌ డిసెర్న్ లివింగ్ బృందం ఫొటోను షేర్‌ చేశారు. ఓ ఎగ్జైటింగ్‌ ప్రాజెక్టును ప్రారంభించినట్లు చెప్పారు. 

* ఆన్‌లైన్‌లో కాజల్‌-గౌతమ్‌ పాత ఫొటోలు వైరల్‌గా మారాయి. అంటే వీరికి చాలా ఏళ్ల నుంచి పరిచయం ఉన్నట్లు తెలుస్తోంది. ఇద్దరూ ఒకే పాఠశాలలో చదివినట్లు సమాచారం. చిన్నతనం నుంచే వీరికి పరిచయం ఉందని చెబుతున్నారు. ఆ స్నేహం తర్వాత ప్రేమగా మారినట్లు సమాచారం.

* ఇటీవల కాజల్‌ బ్లాక్‌ డ్రెస్‌లో ఉన్న ఫొటోలు షేర్‌ చేశారు. ప్రీ వెడ్డింగ్‌ వేడుకల్లో భాగంగా జరిగిన కార్యక్రమంలో తీసిన చిత్రాలవి. కుటుంబ సభ్యులు, స్నేహితులు మాత్రమే ఆ కార్యక్రమంలో పాల్గొన్నారు.