Dhanush: రాయన్‌ వస్తున్నాడు

ధనుష్‌ కథానాయకుడిగా నటిస్తూ.. స్వయంగా తెరకెక్కించిన చిత్రం ‘రాయన్‌’. సన్‌ పిక్చర్స్‌ పతాకంపై కళానిధి మారన్‌ నిర్మించారు. సందీప్‌ కిషన్‌, ఎస్‌.జె.సూర్య, కాళిదాస్‌ జయరామ్‌ తదితరులు ముఖ్య పాత్రలు పోషించారు. ఈ సినిమా జూన్‌లో ప్రేక్షకుల ముందుకు రానుంది. ఈ విషయాన్ని చిత్ర బృందం సోమవారం ప్రకటించింది. ఈ మేరకు ఓ కొత్త లుక్‌ను సామాజిక మాధ్యమాల్లో పంచుకుంది. అందులో ధనుష్‌ మంటల మధ్య ఉన్న ఇటుకలపై కూర్చొని సీరియస్‌గా చూస్తున్న తీరు.. బ్యాగ్రౌండ్‌లో కనిపిస్తున్న పదితలల రావణుడి కటౌట్‌ ఆసక్తి రేకెత్తించేలా ఉన్నాయి. ఈ చిత్ర తొలి గీతాన్ని ఈ నెల 9న విడుదల చేయనున్నట్లు ఈ పోస్టర్‌తోనే స్పష్టత ఇచ్చారు. విభిన్నమైన యాక్షన్‌ థ్రిల్లర్‌గా ముస్తాబవుతున్న ఈ సినిమాకి ఏఆర్‌ రెహమాన్‌ సంగీతమందిస్తున్నారు. ఓం ప్రకాశ్‌ ఛాయాగ్రాహకుడిగా వ్యవహరించారు.