Samantha: నిజమైన బలం అదే

సామాజిక మాధ్యమాల్లో వ్యక్తమయ్యే అభిప్రాయాలపైనా... సాగే చర్చపైనా స్పందించకూడదని సమంత  నిర్ణయించుకుందా? ఆమె ఇన్‌స్టాలో పంచుకున్న ఓ పోస్ట్‌ ఆ అభిప్రాయాన్నే సూచిస్తోంది. సమంత ఇన్‌స్టాగ్రామ్‌లో ఇటీవల పంచుకున్న ఫొటోలపై  సామాజిక మాధ్యమాల్లో చర్చలు నడిచాయి. ఈ చర్చలకి, సామాజిక మాధ్యమాల్లో వెలువడిన రకరకాల అభిప్రాయాలకి పుల్‌స్టాప్‌ పెట్టేలా సమంత స్పందిస్తుందని ఆశించారంతా. కానీ ఆమె ఈ తతంగాన్నంతా తేలిగ్గా తీసుకున్నారు. ‘‘మిమ్మల్ని మీరు నిరూపించుకోవల్సిన అవసరం లేకుండా మీ ఉనికిని చాటుకోవడమే నిజమైన బలం...’’ అనే వ్యాఖ్యని పంచుకుంటూ ఆమె తన అంతరంగాన్ని చెప్పకనే చెప్పారు. ఇటీవలే ఆమె ‘మా ఇంటి బంగారం’ అనే సినిమాని ప్రకటించారు. ఆమె సొంత నిర్మాణంలోనే రూపొందనున్న ఈ సినిమాతో త్వరలోనే బిజీ కానున్నారు.