Archana: ‘చోర్‌ బజార్‌’లో అర్చన

ఆకాష్‌ పూరి హీరోగా జీవన్‌ రెడ్డి తెరకెక్కించిన చిత్రం ‘చోర్‌ బజార్‌’. వీ.ఎస్‌.రాజు నిర్మించారు. గెహన సిప్పీ కథానాయిక. ప్రస్తుతం నిర్మాణాంతర పనుల్లో ఉన్న ఈ సినిమా.. త్వరలో ప్రేక్షకుల ముందుకు రానుంది. ఇందులో సీనియర్‌ నటి అర్చన కీలక పాత్రలో   నటిస్తున్నట్లు చిత్ర బృందం తెలిపింది. ఆమె పాత్రకు సంబంధించిన లుక్‌ను ఇటీవల విడుదల చేశారు. ఈ సందర్భంగా దర్శక నిర్మాతలు మాట్లాడుతూ.. ‘‘లవ్‌, యాక్షన్‌ ఎంటర్‌టైనర్‌గా రూపొందుతోన్న చిత్రమిది. 25ఏళ్ల తర్వాత ఈ సినిమాతో మళ్లీ తెలుగు తెరపైకి వస్తున్నారు అర్చన. ఆమె పాత్ర ఈ చిత్రానికి కీలకంగా నిలుస్తుంది’’ అన్నారు. ఈ సినిమాకి సంగీతం: సురేష్‌ బొబ్బిలి, ఛాయాగ్రహణం: జగదీష్‌ చీకటి.