కార్తికేయ పెళ్లికబురు

యువ కథానాయకుడు కార్తికేయ ఓ ఇంటివారు కానున్నారు. లోహితారెడ్డితో కలిసి త్వరలోనే ఏడడుగులు వేయనున్నారు. ఈ ఇద్దరికీ ఆదివారం రాత్రి హైదరాబాద్‌లో నిశ్చితార్థం జరిగింది. బంధువులు, సన్నిహితుల సమక్షంలో జరిగిన కుటుంబ వేడుకలో కాబోయే జంట ఉంగరాలు మార్చుకున్నారు. లోహితారెడ్డి హైదరాబాద్‌కి చెందినవారు. కార్తికేయకి స్నేహితురాలు. వరంగల్‌ ఎన్‌.ఐ.టి కళాశాలలో ఇద్దరూ కలిసి చదువుకున్నారు. ‘ఆర్‌.ఎక్స్‌.100’తో ఘన విజయాన్ని అందుకున్న కార్తికేయ, ఆ తర్వాత తెలుగు, తమిళ భాషల్లో వరుస చిత్రాలతో బిజీగా గడుపుతున్నారు. ఆయన కథానాయకుడిగా ప్రస్తుతం ‘రాజా విక్రమార్క’ తెరకెక్కుతోంది.