‘దృశ్యం 2’.. సన్నాహాలు

వెంకటేష్‌ హిట్‌ సినిమా ‘దృశ్యం’కు రీమేక్‌గా ఇప్పుడు ‘దృశ్యం 2’ సిద్ధమైంది. తొలి భాగంలో నటించిన మీనా, నదియా, నరేష్‌, కృతిక, ఈస్తర్‌ అనిల్‌ తదితరులు ఈ కొనసాగింపు చిత్రంలోనూ నటించారు. జీతూ జోసెఫ్‌ తెరకెక్కించిన ఈ సినిమాని.. ఆంటోని పెరంబవూర్‌, రాజ్‌ కుమార్‌ సేతుపతి, సురేష్‌బాబు నిర్మించారు. తాజాగా సెన్సార్‌ కార్యక్రమాలు పూర్తి చేసుకుని క్లీన్‌ యు సర్టిఫికేట్‌ అందుకుంది. ఈ విషయాన్ని చిత్ర బృందం సోమవారం ప్రకటించింది. ‘‘కుటుంబ భావోద్వేగాలతో పాటు థ్రిల్లింగ్‌ అంశాలు పుష్కలంగా ఉన్న చిత్రమిది. వెంకటేష్‌ నటన మెప్పిస్తుంది. త్వరలో విడుదల తేదీ ప్రకటిస్తాం’’ అని నిర్మాతలు తెలిపారు.