Crazy Fellow: వినోదాత్మకంగా ‘క్రేజీ ఫెలో’

ఆది సాయికుమార్‌ కథా నాయకుడిగా శ్రీసత్యసాయి ఆర్ట్స్‌ పతాకంపై ఓ చిత్రం తెరకెక్కుతోంది. దిగంగన సూర్యవంశీ, మర్నా మేనన్‌ కథానాయిక. ఫణికృష్ణ సిరికి దర్శకత్వం వహిస్తున్నారు. కె.కె.రాధామోహన్‌ నిర్మాత. ఈ చిత్రానికి ‘క్రేజీ ఫెలో’ అనే పేరుని ఖరారు చేసినట్టు  ప్రకటించాయి సినీ వర్గాలు. ‘‘ఆది పోషిస్తున్న పాత్రకి తగ్గ పేరుని ఖరారు చేశాం. ఆయన పాత్ర విభిన్నంగా ఉంటుంది. పూర్తిస్థాయి వినోదంతో రూపొందుతున్న చిత్రమిద’’ని సినీ వర్గాలు తెలిపాయి. సంగీతం: ఆర్‌.ఆర్‌.ధ్రువన్‌, ఛాయాగ్రహణం: సతీష్‌ ముత్యాల, కళ: కొలికపోగు రమేష్‌, కూర్పు: సత్య గిడుతూరి, పోరాటాలు: రామకృష్ణ.