Extra Ordinary Man: బ్రష్‌ వేసుకో.. మైండ్‌ రీఫ్రెష్‌ చేసుకో!

‘ఎక్స్‌ ట్రా - ఆర్డినరీ మేన్‌’గా ప్రేక్షకుల్ని పలకరించేందుకు సిద్ధమవుతున్నారు కథానాయకుడు నితిన్‌. ఆయన.. శ్రీలీల జంటగా నటించిన ఈ చిత్రాన్ని వక్కంతం వంశీ తెరకెక్కించారు. సుధాకర్‌ రెడ్డి, నికితా రెడ్డి సంయుక్తంగా నిర్మించారు. ఈ సినిమా డిసెంబరు 8న థియేటర్లలోకి రానుంది. ఈ నేపథ్యంలోనే ఈ చిత్రం నుంచి ‘‘హేయ్‌ మామా బ్రష్‌ వేసుకో.. మైండ్‌ అంతా రీఫ్రెష్‌ చేసుకో’’ అనే గీతాన్ని విడుదల చేశారు. హారిస్‌ జయరాజ్‌ స్వరాలు సమకూర్చిన ఈ పాటకు రామజోగయ్య శాస్త్రి సాహిత్యమందించగా.. సంజిత్‌ హెగ్డే ఆలపించారు. ‘‘ఆద్యంతం వినోదాత్మకంగా సాగే చిత్రమిది. నితిన్‌ ఇందులో జూనియర్‌ ఆర్టిస్ట్‌గా పలు భిన్నమైన గెటప్పుల్లో సందడి చేయనున్నారు’’ అని చిత్ర వర్గాలు తెలిపాయి.