Waltair Veerayya: చిరు-రవితేజ.. ఓ మాస్‌ పాట

కథానాయకులు చిరంజీవి (Chiranjeevi), రవితేజ (Raviteja) ‘వాల్తేరు వీరయ్య’ (Waltair Veerayya) కోసం చేతులు కలిపిన సంగతి తెలిసిందే. ఇప్పుడీ ఇద్దరూ కలిసి ఈ సినిమాలో ఓ మాస్‌ గీతానికి స్టెప్పులేశారు. ఈ విషయాన్ని చిత్ర బృందం శుక్రవారం అధికారికంగా ప్రకటించింది. బాబీ (కె.ఎస్‌.రవీంద్ర) తెరకెక్కిస్తున్న మాస్‌ యాక్షన్‌ చిత్రమిది. మైత్రీ మూవీ మేకర్స్‌ సంస్థ నిర్మిస్తోంది. శ్రుతిహాసన్‌ కథానాయిక. ఈ సినిమా సంక్రాంతి సందర్భంగా ప్రేక్షకుల ముందుకు రానుంది. ఈ నేపథ్యంలోనే చిత్రీకరణను శరవేగంగా పూర్తి చేస్తోంది చిత్ర బృందం. ఇందులో భాగంగానే తాజాగా చిరు, రవితేజలపై ఓ మాస్‌ పాటను చిత్రీకరించారు. ఈ గీతానికి దేవిశ్రీ ప్రసాద్‌ స్వరాలందించగా.. శేఖర్‌ మాస్టర్‌ నృత్యరీతులు సమకూర్చారు. ఈ పాటకు చిరంజీవి, రవితేజ వేసిన చక్కటి మాస్‌ స్టెప్పులు ప్రేక్షకులకు కనులవిందుగా ఉంటాయని చిత్ర వర్గాలు తెలిపాయి. ఈ సినిమాకి కూర్పు: నిరంజన్‌ దేవరమానే, ఛాయాగ్రహణం: ఆర్థర్‌ ఎ విల్సన్‌.