థ్రిల్‌ని పంచే... ‘చక్రవ్యూహమ్‌’

అజయ్‌ ప్రధాన పాత్రధారిగా తెరకెక్కిన చిత్రం ‘చక్రవ్యూహం’. ది ట్రాప్‌ అనేది ఉపశీర్షిక. మధుసూదన్‌ దర్శకత్వం వహించారు. సావిత్రి నిర్మాత. మైత్రీ మూవీ డిస్ట్రిబ్యూషన్‌పై శశిధర్‌ రెడ్డి ఈ శుక్రవారం చిత్రాన్ని ప్రేక్షకుల ముందుకు తీసుకొస్తున్నారు. ఈ సందర్భంగా హైదరాబాద్‌లో చిత్రబృందం విడుదలకి ముందస్తు వేడుకని నిర్వహించింది. దర్శకుడు మాట్లాడుతూ ‘‘క్రైమ్‌ థ్రిల్లర్‌గా రూపొందిన చిత్రమిది. ఓ హత్య నేపథ్యంలో సాగే చిత్ర  కథ, కథనాలు ఆకట్టుకుంటాయి. ట్రైలర్‌కి మంచి స్పందన లభిస్తోంది. చిత్రం తప్పకుండా ప్రేక్షకులకి వినోదం పంచుతుంది’’ అన్నారు. అజయ్‌ మాట్లాడుతూ ‘‘కథపై పట్టున్న దర్శకుడు మధుసూదన్‌. ఆయన ఈ సినిమాని ఎంతో పకడ్బందీగా తెరకెక్కించారు. తప్పక సినిమాని ప్రేక్షకుల్ని థ్రిల్‌‘కి గురిచేస్తుంది. ఈ సినిమాని ఆదరించి కొత్త దర్శకుడికి ప్రోత్సాహం అందించాల’’ని కోరారు.