LEO: భారీ సెట్‌లో.. 500మంది డ్యాన్సర్లతో

విజయ్‌ (Vijay) కథానాయకుడిగా లోకేష్‌ కనగరాజ్‌ తెరకెక్కిస్తున్న యాక్షన్‌ థ్రిల్లర్‌ ‘లియో’ (LEO). లలిత్‌ కుమార్‌ నిర్మాత. త్రిష కథానాయిక. సంజయ్‌ దత్‌, ప్రియాఆనంద్‌, అర్జున్‌ తదితరులు కీలక పాత్రలు పోషిస్తున్నారు. ప్రస్తుతం ముగింపు దశ చిత్రీకరణలో ఉన్న ఈ చిత్ర కొత్త షెడ్యూల్‌ను చెన్నైలో మంగళవారం ప్రారంభించారు. ఇందులో భాగంగా విజయ్‌ పాత్రకు సంబంధించిన పరిచయ గీతాన్ని తెరకెక్కిస్తున్నట్లు సమాచారం. ఈ పాట కోసం ఓ భారీ సెట్‌ను సిద్ధం చేశారని.. అందులోనే దాదాపు 500మంది డ్యాన్సర్లతో విజయ్‌పై ఈ గీతాన్ని చిత్రీకరిస్తున్నారని తెలిసింది. దీనికి దినేష్‌ మాస్టర్‌ నృత్యరీతులు సమకూరుస్తున్నారు. ఇందులో విజయ్‌ గ్యాంగ్‌స్టర్‌గా కనిపించనున్నట్లు తెలుస్తోంది. ఇది దసరా సందర్భంగా అక్టోబరు 19న ప్రేక్షకుల ముందుకు రానుంది. అనిరుధ్‌ స్వరాలందిస్తున్నారు.