Vijay Deverakonda: విజయ్‌ దేవరకొండకు జోడీగా?

వేసవి బరిలో ‘ఫ్యామిలీస్టార్‌’గా సందడి చేయనున్నారు విజయ్‌ దేవరకొండ. పరశురామ్‌ తెరకెక్కిస్తున్న ఈ సినిమా ప్రస్తుతం ముగింపు దశలో ఉంది. ఇది పూర్తి కాగానే విజయ్‌ - గౌతమ్‌ తిన్ననూరిల స్పై థ్రిల్లర్‌ చిత్రం తిరిగి పట్టాలెక్కనుంది. ఈ సినిమా కోసం తొలుత శ్రీలీలను కథానాయికగా ఎంచుకోగా అనివార్య కారణాల వల్ల ఆమె ఈ ప్రాజెక్ట్‌ నుంచి తప్పుకున్నట్లు తెలిసింది. అయితే ఇప్పుడా అవకాశాన్ని బాలీవుడ్‌ భామ త్రిప్తి దిమ్రి అందిపుచ్చుకున్నట్లు సమాచారం. ఇప్పటికే చిత్ర బృందం ఆమెతో సంప్రదింపులు జరిపిందని.. స్క్రిప్ట్‌ నచ్చడంతో ఆమె సినిమా చేసేందుకు సంసిద్ధత వ్యక్తం చేసిందని వార్తలొస్తున్నాయి. ఇప్పటికే ఓ చిన్న షెడ్యూల్‌ పూర్తి చేసుకున్న ఈ చిత్రం ఫిబ్రవరి నెలాఖరు నుంచి తిరిగి సెట్స్‌పైకి వెళ్లనుంది. దీన్ని సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌ సంస్థలు సంయుక్తంగా నిర్మిస్తున్నాయి. ఇక త్రిప్తి ‘యానిమల్‌’లో కీలక పాత్రలో కనిపించి.. సినీప్రియుల దృష్టిని ఆకర్షించింది.