BIMBISARA: ‘బింబిసార’ ఆగమనం ఆరోజే

కల్యాణ్‌రామ్‌ కథా  నాయకుడిగా వశిష్ట తెరకెక్కిస్తున్న చిత్రం ‘బింబిసార’. ఎన్టీఆర్‌ ఆర్ట్స్‌ పతాకంపై కె.హరికృష్ణ నిర్మిస్తున్నారు. కేథరిన్‌, సంయుక్త మేనన్‌ కథానాయికలు. ఈ  సినిమాని ఆగస్ట్‌ 5న ప్రేక్షకుల ముందుకు తీసుకురానున్నారు. ఈ విషయాన్ని చిత్ర బృందం శనివారం  అధికారికంగా ప్రకటించింది. ఈ మేరకు సామాజిక మాధ్యమాల వేదికగా ఓ కొత్త లుక్‌ను విడుదల చేశారు. ఆ పోస్టర్‌లో కల్యాణ్‌రామ్‌ స్టైలిష్‌ లుక్‌లో కనిపించారు. ‘‘కల్యాణ్‌రామ్‌ కెరీర్‌లోనే అత్యధిక నిర్మాణ వ్యయంతో, అత్యున్నత సాంకేతిక హంగులతో రూపొందుతోన్న చిత్రమిది. ఇందులో కల్యాణ్‌రామ్‌ రెండు విభిన్నమైన పాత్రల్లో కనువిందు చేయనున్నారు’’ అని చిత్ర బృందం తెలిపింది. ఈ సినిమాకి చిరంతన్‌ భట్‌ స్వరాలందిస్తున్నారు.