leo ‘లియో’ పార్ట్‌ 2 ఉంటుంది.. ఆయన అంగీకరిస్తేనే: లోకేష్‌ కనగరాజ్‌

ఇంటర్నెట్‌ డెస్క్: కోలీవుడ్‌ స్టార్‌ హీరో విజయ్‌(vijay) నటించిన సినిమా ‘లియో’(Leo). లోకేష్‌ కనగరాజ్‌ దర్శకత్వం వహించిన ఈ చిత్రం బాక్సాఫీస్‌ వద్ద మంచి వసూళ్లు రాబట్టింది. త్రిష కథానాయిక. సంజయ్‌ దత్‌, ప్రియా ఆనంద్‌, అర్జున్‌ తదితరులు కీలక పాత్రలు పోషించారు. దసరా కానుకగా ప్రేక్షకుల ముందుకు వచ్చింది. ఇటీవల ఓ ఇంటర్య్వూలో ఈ సినిమాకి సీక్వెల్‌ రానుందా అని అడిగిన ప్రశ్నకు లోకేష్‌ సమాధానం చెప్పారు. ‘‘ లియో పార్ట్‌2  కచ్చితంగా ఉంటుంది.  ప్రస్తుతం విజయ్‌ ఆశయం సినిమాలకు భిన్నంగా ఉంది. అందుకు అభినందిస్తున్నా.  విజయ్‌ అంగీకరిస్తే లియో 2 వస్తుంది. కానీ దానికి సమయం అనుకూలించాలి.  ఆయన ఎప్పుడు నాకు ఫోన్‌ చేస్తే అప్పుడు సినిమా మొదలవుతుంది. అనాగే లియో సెకండాఫ్‌ పై వచ్చిన విమర్శలను విన్నాను. ఇకపై చేసే సినిమాల్లో ఆ తప్పులు లేకుండా జాగ్రత్తలు తీసుకుంటాను’’అని లోకేష్‌ అన్నారు.  

విజయ్‌ వెంకట్‌ దర్శకత్వంలో  రూపొందుతున్న‘ది గ్రేటెస్ట్‌ ఆఫ్‌ ఆల్‌ టైమ్‌’ చిత్రంలో నటిస్తున్నారు. సైన్స్‌ ఫిక్షన్‌ జానర్‌లో రానున్న ఈ సినిమాలో విజయ్‌ ద్విపాత్రాభినయంలో కనిపించనున్నారు. ఈ క్రమంలో ఆయన ‘తమిళగ వెట్రి కళగం’ పేరుతో పార్టీ ప్రకటించి రాజకీయ ప్రవేశం చేశారు. లోకేష్ కనగరాజ్‌ రజనీకాంత్‌ హీరోగా నటిస్తున్న తలైవర్‌171 చిత్రానికి దర్శకత్వం వహిస్తున్నారు.