Nani: నాన్న ప్రయాణం

సెట్లో సందడి

కథలకి అనుగుణంగా ప్రయాణం చేసే కథానాయకుడు నాని. తనకి విజయాన్ని అందించాయని అవే తరహా కథల్ని కాకుండా... కొత్త వాటిని ఎంచుకుంటూ ఎప్పటికప్పుడు వైవిధ్యాన్ని ప్రదర్శిస్తుంటారు. ఆ ప్రయత్నమే తోటి కథానాయకుల్లో నానిని ప్రత్యేకంగా నిలుపుతోంది ‘హాయ్‌ నాన్న’ అంటూ ఈసారి నాన్న కథలో నటిస్తున్నాడు నాని. ఆ సినిమా సెట్లోని చిత్రమే ఇది. దర్శకుడు శౌర్యువ్‌... కథానాయకుడు నానికి సెట్లో మార్గ నిర్దేశనం చేస్తున్నారు. నాన్న ప్రేమకథలు... నాన్న పెళ్లి కథలతో ఇదివరకు చాలా సినిమాలే వచ్చాయి. విజయాల్ని అందుకున్నాయి. మరి నాని చేస్తున్న ఈ నాన్న కథ ఎలాంటిదో తెలియాలంటే డిసెంబరు 7వరకు ఆగాల్సిందే. ఈ చిత్రంలో నాని సరసన మృణాల్‌ ఠాకూర్‌ నటిస్తున్నారు. మోహన్‌ చెరుకూరి, డా.విజేందర్‌ రెడ్డి తీగల నిర్మిస్తున్నారు.