Liger: నాతో రా...పోరాటం చేద్దాం

‘‘నాతో రా.. మనం వెళ్దాం.. పోరాటం చేద్దాం’’ అంటూ యువతకు పిలుపిస్తున్నారు విజయ్‌ దేవరకొండ (Vijay Devarakonda). ఆయన కథానాయకుడిగా నటించిన తొలి పాన్‌ ఇండియా చిత్రం ‘లైగర్‌’ (Liger). పూరి జగన్నాథ్‌ (Puri Jagannadh) తెరకెక్కించారు. పూరి కనెక్ట్స్‌, ధర్మ ప్రొడక్షన్స్‌ సంస్థలు సంయుక్తంగా నిర్మించాయి. అనన్య పాండే కథానాయిక. మైక్‌ టైసన్‌, రమ్యకృష్ణ తదితరులు కీలక పాత్రలు పోషించారు. ఈ సినిమా ఆగస్టు 25న విడుదల కానుంది. ఈ నేపథ్యంలోనే శుక్రవారం ఈ చిత్రంలోని ‘‘వాట్‌ లగా’’ (Waat Laga Denge) పాటని విడుదల చేశారు.  ‘‘మేము భారతీయులం. ఎవరికీ తీసిపోం’’ అంటూ పాటలో విజయ్‌ శక్తిమంతమైన సంభాషణలు వినిపించారు. మిక్స్డ్‌ మార్షల్‌ ఆర్ట్స్‌ ఆట నేపథ్యంగా సాగే కథతో రూపొందిన చిత్రమిది. ఈ సినిమా కోసం తన శరీరాకృతిని పూర్తిగా మార్చుకున్నారు విజయ్‌. ఈ సినిమాకి కూర్పు: జునైద్‌ సిద్ధిఖీ, స్టంట్స్‌: కేచ, ఛాయాగ్రహణం: విష్ణు శర్మ.