Extra Ordinary Man: మంచి బిర్యానీ తినిపించడం గ్యారంటీ

నితిన్‌ కథానాయకుడిగా వక్కంతం వంశీ తెరకెక్కించిన చిత్రం ఎక్స్‌ట్రా ఆర్డినరీ మేన్. ఎన్‌.సుధాకర్‌ రెడ్డి, నిఖితా రెడ్డి సంయుక్తంగా నిర్మించిన ఈ చిత్రంలో శ్రీలీల కథానాయిక. రాజశేఖర్‌ కీలక పాత్ర పోషించారు. ఈ చిత్రం ఈ నెల 8న ప్రేక్షకుల ముందుకు రానుంది. ఈ నేపథ్యంలోనే ఈ సినిమాలోని ఒలే ఒలే పాపాయి.. పలాసకే వచ్చేయి అనే పాటను ఈ నెల 4న విడుదల చేయనున్నారు. ఈ క్రమంలోనే దీనికి సంబంధించిన ప్రోమోను శనివారం హైదరాబాద్‌లో విడుదల చేశారు. ఈ సందర్భంగా హీరో నితిన్‌ మాట్లాడుతూ.. ఈ చిత్రం చాలా ఎక్స్‌ట్రా ఎంటర్‌టైన్‌మెంట్‌తో ఎక్స్‌ట్రార్డినరీగా ఉండనుంది అన్నారు. వక్కంతం వంశీ మాట్లాడుతూ..ట్రైలర్‌ చూసిన వాళ్లంతా సినిమా ఇలాగే ఉంటుందా అని అడుగుతున్నారు. ఈ సినిమా దీనికి పదింతలు ఉంటుంది. తప్పకుండా మంచి బిర్యానీ తినిపిస్తా. ఇదైతే గ్యారంటీ అన్నారు. ఈ కార్యక్రమంలో రాజ్‌కుమార్‌ ఆకెళ్ల, సుధాకర్‌ రెడ్డి, నిరంజన్‌ తదితరులు పాల్గొన్నారు.