PAYAL Rajput కన్నీటి పర్యంతం

ప్రియమైన వ్యక్తిని కోల్పోయానంటూ పోస్ట్

హైదరాబాద్‌: ‘ఆర్‌ఎక్స్‌ 100’ భామ పాయల్‌ రాజ్‌పుత్‌ కన్నీటి పర్యంతమయ్యారు. తన జీవితంలో ఎంతో ముఖ్యమైన వ్యక్తిని కోల్పోయానంటూ ఆవేదన వ్యక్తం చేశారు. ‘ఇకపై మీరు నా పక్కన ఉండకపోవచ్చు. కానీ నా హృదయంలో ఎప్పటికీ ఉంటారు. కరోనా నుంచి కోలుకునేందుకు మీరు ఎంతో పోరాడారు. కానీ మీ లాంటి వ్యక్తిని మేము కోల్పోయాం. మిమ్మల్ని మేము ఎంతో మిస్‌ అవుతున్నాం అనితా ఆంటీ. మా అమ్మలానే మీరు కూడా నాపై ప్రేమ చూపించేవారు. నన్ను గారాబం చేసేవారు. ఇప్పటికీ నాకు కన్నీళ్లు ఆగడం లేదు. మిమ్మల్ని మరలా వెనక్కి తీసుకురావాలని ఉంది. కానీ అందుకు అవకాశం లేదు కదా!! అనితా ఆంటీ చివరిగా చెప్పిన మాట.. ‘నాకు ఊపిరాడడం లేదు’. కరోనా.. అవకాశం ఉంటే నిన్ను అంతం చేసేస్తా’’ అని పాయల్‌ పేర్కొన్నారు.