Dil Raju: యశ్‌తో దిల్‌ రాజు సినిమా.. ఖుషీ అవుతున్న ఫ్యాన్స్‌

ఇంటర్నెట్‌ డెస్క్‌: విభిన్న కథలతో సినిమాలను నిర్మిస్తూ అన్ని వర్గాల ప్రేక్షకులను అలరించే సంస్థ శ్రీ వేంకటేశ్వర క్రియేషన్స్‌ (Sri Venkateswara Creations). ‘దిల్‌’ (Dil)తో మొదలైన ఆ సంస్థ ప్రస్థానం నేటితో 20 ఏళ్లు పూర్తి చేసుకుంది. ఈ సందర్భంగా సంస్థ అధినేత, తొలి చిత్రం ‘దిల్‌’ని ఇంటి పేరుగా మార్చుకున్న రాజు (Dil Raju) ట్విటర్‌ వేదికగా అభిమానులతో ముచ్చటించారు. ఈ క్రమంలో ‘మీ బ్యానర్‌లో యశ్‌తో సినిమా ఆశించొచ్చా’ అని ఒకరు అడగ్గా దిల్‌ రాజు ‘ఎస్‌’ అని బదులిచ్చారు. దాంతో, యశ్‌ ఫ్యాన్స్‌ ఖుషీ అవుతున్నారు.  ‘ఆశించొచ్చు’ అనే మాటే తప్ప దిల్‌రాజు ఏ వివరాలు వెల్లడించలేదు. కేజీయఫ్‌ 1’, ‘కేజీయఫ్‌ 2’ (KGF)లతో సంచలనం సృష్టించిన యశ్‌ (Yash) తదుపరి చిత్రం తెలుగు నిర్మాణ సంస్థలో చేయబోతున్నారంటూ కామెంట్లు పెడుతున్నారు. #Yash19 హ్యాష్‌ట్యాగ్‌ని జతచేస్తున్నారు. మరి, ఈ కాంబోలో సినిమా ఎప్పుడొస్తుందో తెలియాలంటే వేచి చూడాల్సిందే. దిల్‌ రాజు చెప్పిన మరిన్ని సంగతులివీ..

* రామ్‌చరణ్‌ హీరోగా నిర్మిస్తున్న ‘గేమ్‌ ఛేంజర్‌’ ఎలా ఉండబోతోంది?

దిల్‌ రాజు: చరణ్‌ అభిమానులతోపాటు ప్రేక్షకులందరికీ నచ్చేలా ఉంటుంది. త్వరలోనే ఆ చిత్రం నుంచి ఓ అప్‌డేట్‌ వస్తుంది.

* ‘శాకుంతలం’ గురించి ఏమైనా చెబుతారా?

దిల్‌ రాజు: అందరికీ నచ్చే క్లాసీ ఫిల్మ్‌.

*  మీ నిర్మాణంలో హీరో యశ్‌ సినిమాని ఆశించొచ్చా?

దిల్‌ రాజు: ఆశించొచ్చు.

* చిరంజీవితో ఓ మాస్‌ ఎంటర్‌టైనర్‌ సినిమా రూపొందించండి.

దిల్‌ రాజు: అతి త్వరలోనే.. పూనకాలు లోడింగ్‌!

* పవన్‌కల్యాణ్‌తో మరో చిత్రం ఎప్పుడు నిర్మిస్తారు?

దిల్‌ రాజు: త్వరలోనే ఉంటుంది.

* మీ బ్యానర్‌లో ప్రభాస్‌తో సినిమా ఎప్పుడొస్తుంది?

దిల్‌ రాజు: ప్రస్తుతం చేతిలో ఉన్న ప్రాజెక్టులు పూర్తయ్యాక ప్రభాస్‌తో సినిమా చేస్తా.

* బాలకృష్ణతో ఓ చిత్రం ప్లాన్‌ చేయొచ్చుగా..?

దిల్‌ రాజు: తప్పకుండా. నాక్కూడా ఆయనతో సినిమా చేయాలనుంది.

* ఎన్టీఆర్‌తో సినిమా ఎప్పుడు?

దిల్‌ రాజు: త్వరలోనే.

* నానితో మీ బ్యానర్‌లో మరో సినిమా ఆశించొచ్చా?

దిల్‌ రాజు: అందులో సందేహం వద్దు. హ్యాట్రిక్‌కు ప్లాన్‌ చేస్తున్నాం.

* ఇప్పటి వరకూ మీరు నిర్మించిన వాటిల్లో మీకు బాగా నచ్చిన సినిమా?

దిల్‌ రాజు: బొమ్మరిల్లు.

* మీ డ్రీమ్‌ ప్రాజెక్టు ఏంటి?

దిల్‌ రాజు: ‘జటాయు’ అనేది నా కలల ప్రాజెక్టు. ది బెస్ట్‌ టెక్నిషియన్లు, నటులతో ఆ భారీ చిత్రాన్ని నిర్మించాలనే ప్రణాళిక రచిస్తున్నా.

* అప్‌కమింగ్‌ ఫిల్మ్‌మేకర్స్‌కి మీరిచ్చే సలహా?

దిల్‌ రాజు: ఫోకస్‌తో పనిచేయాలి. ప్యాషన్‌, డెడికేషన్ ఉండాలి. ప్రతి సినిమాని తొలి సినిమాలానే భావించాలి.