రాజశేఖర్‌ ఆరోగ్యం మెరుగైంది: జీవిత

ఇంటర్నెట్‌ డెస్క్‌: కరోనా బారిన పడి ఐసీయూలో చికిత్స పొందుతున్న నటుడు రాజశేఖర్‌ కోలుకుంటున్నారని ఆయన భార్య జీవిత వెల్లడించారు. ఆయన ఆరోగ్యం మెరుగయ్యిందని ఓ వీడియోలో పేర్కొన్నారు. సీఎన్‌సీ ఆసుపత్రి వైద్యులు నిత్యం పర్యవేక్షిస్తున్నారని తెలిపారు. అయితే రాజశేఖర్‌ వెంటిలేటర్‌ మీద ఉన్నారనే వార్తలను జీవిత కొట్టివేశారు. ప్రాణాపాయ స్థితిలో ఉన్నప్పటికీ ఆయనకు ఎప్పుడూ వెంటిలేటర్‌ మీద చికిత్స అందించలేదని, ఆ వార్తలు అవాస్తవమని పేర్కొన్నారు. ఐసీయూలోనే ఆక్సీజన్‌ అందిస్తూ చికిత్స చేశారని వివరించారు. త్వరలోనే ఐసీయూ నుంచి బయటకొచ్చే అవకాశాలున్నాయని వెల్లడించారు. రాజశేఖర్‌ కోలుకోవాలని మిత్రులు, కుటుంబసభ్యులు, శ్రేయోభిలాషులు, అభిమానులు చేసిన ప్రార్థనలే ఆయనను కోలుకునేలా చేశాయని అన్నారు.