Salaar: ‘సలార్‌’ సందడి... మే ఆఖరిలో!

ఎప్పుడెప్పుడా అని ఎదురు చూసిన ‘కె.జి.ఎఫ్‌2’ విడుదలైంది. రికార్డ్‌ స్థాయి ప్రారంభ వసూళ్లతో సందడి చేస్తోంది. ఇక ఇప్పుడందరి దృష్టి ఆ చిత్ర దర్శకుడు ప్రశాంత్‌ నీల్‌ - అగ్ర కథానాయకుడు ప్రభాస్‌ కలయికలో రూపొందుతున్న ‘సలార్‌’ సినిమాపైనే. ‘కె.జి.ఎఫ్‌’ తెరకెక్కించిన హోంబళే ఫిల్మ్‌ పతాకంపైనే రూపొందుతోంది. ఈ సినిమా టీజర్‌ ‘కె.జి.ఎఫ్‌2’తో పాటే విడుదల కావొచ్చేమో అనే ప్రచారం సాగింది. అయితే మే నెలాఖరులో టీజర్‌ని విడుదల చేయాలని తాజాగా నిర్ణయించింది చిత్రబృందం. ప్రభాస్‌కి జోడీగా శ్రుతిహాసన్‌ నటిస్తున్న సంగతి తెలిసిందే. పృథ్వీరాజ్‌ సుకుమారన్‌ ఓ కీలక పాత్ర పోషిస్తున్నారు. రవి బస్రూర్‌ సంగీతం అందిస్తుండగా, భువన్‌ గౌడ కెమెరా బాధ్యతల్ని నిర్వర్తిస్తున్నారు.

* ‘కేజీఎఫ్‌-3 ఉంటుందని చిత్రబృందం ప్రకటించినట్లైంది. గురువారం ‘కేజీఎఫ్‌చాప్టర్‌-2’ సినిమా చివర్లో... దీనికి సంబంధించిన లీడ్‌ ఇచ్చారు దర్శకనిర్మాతలు. దీంతో అభిమానులు ఆనందం వ్యక్తం చూస్తున్నారు.