అన్నీ సెటిల్‌.. ‘సత్తిగాని రెండెకరాలు’ విడుదలకు సిద్ధం.. ఏ ఓటీటీలో అంటే?

ఇంటర్నెట్‌ డెస్క్‌: ‘పుష్ప’ (Pushpa) ఫేమ్‌ (కేశవ పాత్ర పోషించిన నటుడు) జగదీష్‌ ప్రతాప్‌ బండారి (Jagadeesh Prathap Bandari) ప్రధాన పాత్రలో రూపొందిన చిత్రం ‘సత్తిగాని రెండెకరాలు’ (Sathi Gani Rendu Ekaralu). వెన్నెల కిశోర్‌, అనీషా, మోహన శ్రీ తదితరులు కీలక పాత్రలు పోషించారు. అభినవ్‌ దండ దర్శకత్వం వహించారు. నేరుగా ఓటీటీ ‘ఆహా’ (aha)లో ఇప్పటికే విడుదలకావాల్సిన ఈ చిత్రం వాయిదా పడిన విషయం తెలిసిందే. తాజాగా చిత్ర బృందం కొత్త విడుదల తేదీని ఖరారు చేసింది. మే 26 నుంచి ఈ సినిమా ‘ఆహా’లో స్ట్రీమింగ్‌కు అందుబాటులో ఉంటుందని సోషల్‌ మీడియా వేదికగా ప్రకటించింది. ఈ మేరకు పోస్టర్‌ విడుదల చేసింది. ‘‘సత్తి ముందు జెప్పిన రోజు రాలే.. వాని రెండెకరాల భూమి చిక్కుల్ల పడిండే.. ఇగ అన్నీ సెటిల్‌ అయినయ్‌. మే 26న ముహూర్తం పెట్టినం. అస్తుండు, ఆగమాగం జేయనీకి’’ అంటూ ఆసక్తికర క్యాప్షన్‌ పెట్టింది. భూ సమస్యల నేపథ్యంలో ఈ చిత్రం రూపొందినట్టు అర్థమవుతోంది.