Thandel: ‘తండేల్‌’ చకచకా

‘తండేల్‌’తో ప్రేక్షకుల్ని పలకరించనున్నారు నాగచైతన్య. ఆయన కథానాయకుడిగా నటిస్తున్న ఈ సినిమాని చందూ మొండేటి తెరకెక్కిస్తున్నారు. బన్నీ వాస్‌ నిర్మాత. సాయిపల్లవి కథానాయిక. అల్లు అరవింద్‌ సమర్పిస్తున్నారు. ప్రస్తుతం ఈ సినిమా చిత్రీకరణ హైదరాబాద్‌లో శరవేగంగా జరుగుతోంది. ఈ నేపథ్యంలోనే ఈ చిత్ర వర్కింగ్‌ స్టిల్స్‌ను చిత్ర బృందం శుక్రవారం సామాజిక మాధ్యమాల్లో పంచుకుంది. అందులో చైతూ.. సాయిపల్లవి డీగ్లామర్‌ లుక్స్‌లో కనిపించారు. ఓ ఫొటోలో దర్శకుడు చందు సముద్ర నేపథ్య సన్నివేశాల్ని మినియేచర్‌ ద్వారా చైతూకు వివరిస్తూ కనిపించగా.. మరో ఫొటోలో సాయిపల్లవి సెట్లోని చిన్న పాపతో సరదాగా ఆడుకుంటూ కనిపించింది. ప్రస్తుతం ఈ స్టిల్స్‌ నెట్టింట వైరల్‌గా మారాయి. దేశభక్తి అంశాలతో నిండిన రా రస్టిక్‌ ప్రేమకథతో ఈ చిత్రం తెరకెక్కుతోంది. చైతన్య ఇందులో రాజు అనే మత్స్యకారుడిగా కనిపించనున్నారు. ఈ సినిమాకి సంగీతం: దేవిశ్రీ ప్రసాద్‌, ఛాయాగ్రహణం: షామ్‌ దత్‌.