Vaarasudu: వారసుడి పవర్‌

‘‘ప్రేమో... భయమో నాకు ఇచ్చేటప్పుడు కొంచెం ఆలోచించి ఇవ్వు. ఎందుకంటే నువ్వు ఏది ఇచ్చినా దానికి ట్రిపుల్‌గా తిరిగిచ్చేస్తా’’ అంటున్నాడు విజయ్‌ (Vijay). ఆయన కథానాయకుడిగా...  వంశీ పైడిపల్లి దర్శకత్వంలో రూపొందుతున్న చిత్రం ‘వారసుడు’ (Vaarasudu). రష్మిక మందన్న (Rashmika) కథానాయిక. దిల్‌రాజు, శిరీష్‌, పవర్‌ వి.పొట్లూరి పెరల్‌ వి.పొట్లూరి నిర్మిస్తున్నారు. సంక్రాంతి సందర్భంగా ఈ నెల 12న చిత్రం ప్రేక్షకుల ముందుకొస్తోంది. ఈ సందర్భంగా బుధవారం ట్రైలర్‌ని విడుదల చేశారు. ‘పవర్‌ సీట్లో ఉండదు సర్‌. అందులోకి వచ్చి  ఒకడు కూర్చుంటాడే వాడిలో ఉంటుంది. మన పవర్‌ ఆ రకం’, ‘గ్రౌండ్‌లో ఎంత మంది ప్లేయర్స్‌ అయినా ఉండొచ్చు. కానీ ఆడియన్స్‌ అంతా ఒక్కడిని మాత్రమే చూస్తారు. ఎవరినో తెలుసా... ఆట, నాయకుడిని’ తరహా సంభాషణలు ట్రైలర్‌కి ఆకర్షణగా నిలిచాయి.