ఎమ్మెల్సీ ఎన్నికలపై టీకాంగ్రెస్‌ సమావేశం

హైదరాబాద్‌: ఎమ్మెల్సీ ఎన్నికల నేపథ్యంలో గాంధీభవన్‌లో తెలంగాణ కాంగ్రెస్‌ ముఖ్యనేతలు సమావేశమయ్యారు. ఎన్నికలు జరగనున్న వరంగల్‌, ఖమ్మం, నల్గొండ, హైదరాబాద్‌, రంగారెడ్డి, మహబూబ్‌నగర్‌ జిల్లాలకు చెందిన ఎంపీలు, ఎమ్మెల్యేలు, డీసీసీ అధ్యక్షులు, ఇతర నేతలతో రాష్ట్ర పార్టీ వ్యవహారాల ఇన్‌ఛార్జి మాణికం ఠాగూర్‌, టీపీసీసీ అధ్యక్షుడు ఉత్తమ్‌కుమార్‌రెడ్డి దిశానిర్దేశం చేశారు. ఎమ్మెల్సీ ఎన్నికల సన్నద్ధతపై నేతలకు పలు సూచనలు చేశారు. ఎమ్మెల్సీ ఓటర్ల నమోదు విషయంలో డీసీసీ అధ్యక్షుడు, ముఖ్యనేతలు శ్రద్ధ వహించాలని ఉత్తమ్‌ సూచించారు. 

ఇన్‌ఛార్జిగా నియమితులైన తర్వాత మొదటిసారి హైదరాబాద్‌ వచ్చిన మాణికం ఠాగూర్‌..గాంధీభవన్‌లో శనివారం జరిగిన పీసీసీ కోర్‌ కమిటీ సమావేశంలో పాల్గొన్నారు. పార్టీ అంశాలు చర్చించడానికి అన్ని వేళలా అందుబాటులో ఉంటానన్నారు. నెలలో రెండు సార్లు కోర్‌ కమిటీ సమావేశాలు నిర్వహిస్తామని..అన్ని విషయాలు చర్చించుకుందామన్నారు.