అమరావతికి కట్టుబడి ఉన్నాం: జీవీఎల్‌

అమరావతి: ఆంధ్రప్రదేశ్‌ రాజధాని విషయంలో భాజపా అధికార ప్రతినిధి జీవీఎల్‌ నరసింహారావు మరోసారి స్పష్టతనిచ్చారు. రాజధాని విషయంలో భాజపాలో భిన్న అభిప్రాయాలు ఉన్నాయని వార్తలు వస్తున్న నేపథ్యంలో ఆయన మీడియాతో మాట్లాడారు. ఏపీకి అమరావతే రాజధానిగా ఉండాలన్న అంశానికి తాము కట్టుబడి ఉన్నామని జీవీఎల్‌ నరసింహారావు తెలిపారు. అయితే రాయలసీమలో హైకోర్టు ఏర్పాటు అంశం తమ పార్టీ ఎన్నికల మేనిఫెస్టోలోని అంశమే అని స్పష్టం చేశారు. హైకోర్టు అంశంపై కేంద్ర న్యాయశాఖ మంత్రి రవిశంకర్‌ ప్రసాద్‌ను కలిసి మాట్లాడతానని జీవీఎల్‌ తెలిపారు.