Pujara - Rizwan: ఒకే జట్టులో భారత్‌-పాక్‌ కీలక బ్యాట్స్‌మెన్‌.. ఫొటో వైరల్

(Photo: Sussex Cricket Twitter)

ఇంటర్నెట్‌డెస్క్‌: భారత టెస్టు స్పెషలిస్టు ఛెతేశ్వర్‌ పుజారా, పాకిస్థాన్‌ టాప్‌ ఆర్డర్‌ బ్యాట్స్‌మన్‌ మహ్మద్‌ రిజ్వాన్‌ ప్రస్తుతం ఒకే జట్టులో ఆడుతున్నారు. వీరిద్దరూ ఇంగ్లాండ్‌లోని ససెక్స్‌ కౌంటీ క్రికెట్‌ క్లబ్‌లో గురువారం అరంగేట్రం చేశారు. ఈ నేపథ్యంలోనే వారిద్దరూ కలిసి దిగిన ఫొటోను ఆ జట్టు ట్విటర్‌ వేదికగా అభిమానులతో పంచుకుంది. దీంతో అది ఇప్పుడు ఆన్‌లైన్‌లో వైరల్‌గా మారింది. ఆ ఫొటో చూసిన ఇరు దేశాల అభిమానులు హర్షం వ్యక్తం చేస్తున్నారు. భారత్‌-పాక్‌ జట్లు త్వరలోనే ద్వైపాక్షిక సిరీస్‌లు ఆడాలని కామెంట్ల రూపంలో ఆశాభావం వ్యక్తం చేస్తున్నారు. మరోవైపు ఈ ఫొటోకు సరదా కామెంట్లు కూడా పెడుతున్నారు.