Breaking | Feedback | ePratibha | E-PAPER | Pratibha

World Cup - ENG vs SA: ఇంగ్లాండ్‌తో మ్యాచ్‌.. భారీ స్కోరు దిశగా దక్షిణాఫ్రికా..

ప్రపంచ కప్‌లో భాగంగా ఇంగ్లాండ్‌తో జరుగుతున్న మ్యాచ్‌లో దక్షిణాఫ్రికా భారీ స్కోరు దిశగా సాగుతోంది. టాస్ ఓడి బ్యాటింగ్‌కు దిగిన దక్షిణాఫ్రికా.. 25 ఓవర్లు ముగిసేసరికి వికెట్ల నష్టానికి పరుగుల చేసి పటిష్ఠ స్థితిలో నిలిచింది.

Updated : 21 Oct 2023 16:29 IST

ముంబయి: ప్రపంచ కప్‌లో భాగంగా ఇంగ్లాండ్‌తో జరుగుతున్న మ్యాచ్‌లో దక్షిణాఫ్రికా భారీ స్కోరు దిశగా సాగుతోంది. టాస్ ఓడి బ్యాటింగ్‌కు దిగిన దక్షిణాఫ్రికా.. 30 ఓవర్లు ముగిసేసరికి 3 వికెట్ల నష్టానికి 192 పరుగులు చేసి పటిష్ఠ స్థితిలో నిలిచింది. ఇన్నింగ్స్‌ తొలి ఓవర్‌లోనే ఓపెనర్ క్వింటన్‌ డికాక్‌ (4)ను టాప్లీ పెవిలియన్‌కు పంపాడు. అయితే, మరో ఓపెనర్ రీజా హెండ్రిక్స్‌ (85; 71 బంతుల్లో 9 ఫోర్లు, 3 సిక్స్‌లు), వాండర్‌ డసెన్ (60; 61 బంతుల్లో 8 ఫోర్లు) ధాటిగా ఆడటంతో మొదటి వికెట్ ప్రభావం పెద్దగా కనిపించలేదు. శతకం దిశగా సాగుతున్న హెండ్రిక్స్‌ను ఆదిల్ రషీద్‌ బౌల్డ్ చేశాడు.

ఇద్దరూ పోటాపోటీగా బౌండరీలు బాది ఒకే ఓవర్‌లో అర్ధ శతకాలు పూర్తి చేశారు. ఆదిల్‌ రషీద్‌ వేసిన 20 ఓవర్‌లో బెయిర్‌స్టోకు డసెన్ చిక్కడంతో 124 పరుగుల భాగస్వామ్యానికి తెరపడింది. తర్వాత హెండ్రిక్స్ దూకుడు పెంచాడు. జో రూట్‌ వేసిన 23 ఓవర్‌లో రెండు సిక్సర్లు బాదాడు. ప్రస్తుతం హెన్రిచ్‌ క్లాసెన్ (13*), ఐడెన్ మార్‌క్రమ్ (28*) క్రీజులో ఉన్నారు.

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.