Team India: షాక్‌!శుభ్‌మన్‌కు గాయం

ఇంగ్లాండ్‌తో సిరీస్‌కు అనుమానమే

దిల్లీ: టీమ్‌ఇండియా యువ ఓపెనర్‌ శుభ్‌మన్‌ గిల్‌ ఇంగ్లాండ్‌తో అయిదు మ్యాచ్‌ల టెస్టు సిరీస్‌కు దూరమయ్యే అవకాశముంది. అతడి కాలికి గాయమైందని సమాచారం. గాయం తీవ్రమైంది కావడంతో అతడికి శస్త్రచికిత్స చేయించాల్సి రావచ్చని బీసీసీఐ అధికారి చెప్పాడు. ప్రస్తుతం ఫిజియో నితిన్‌ పటేల్‌ పర్యవేక్షణలో అతడు ఫిట్‌నెస్‌ మెరుగుపరుచుకునే పనిలో ఉన్నాడు. శుభ్‌మన్‌ కోలుకుని తిరిగి సిరీస్‌ ఆడే అవకాశాలు తక్కువగా ఉండటంతో.. కేఎల్‌ రాహుల్, మయాంక్‌ అగర్వాల్‌లో ఒకరు అతడి స్థానాన్ని భర్తీ చేసే వీలుంది. మరోవైపు గిల్‌ స్థానంలో అభిమన్యు ఈశ్వరన్‌ జట్టులో రావొచ్చని తెలుస్తోంది.