WPL : డబ్ల్యూపీఎల్‌లో ‘RRR‌’ క్షణం‌.. ఆ ఎనర్జీ మాలోనూ ఉందన్న జెమీమా

ఇంటర్నెట్‌ డెస్క్‌:  డబ్ల్యూపీఎల్‌ (WPL)ను దిల్లీ క్యాపిటల్స్‌(Delhi Capitals) విజయంతో ప్రారంభించింది. తొలి మ్యాచ్‌లో 60 పరుగుల తేడాతో ఆర్సీబీ(RCB)పై గెలుపొందింది. కెప్టెన్‌ లానింగ్‌, షెఫాలి వర్మ దంచి కొట్టడంతో దిల్లీ.. ప్రత్యర్థి ముందు భారీ లక్ష్యాన్ని ఉంచింది. అయితే ఈ మ్యాచ్‌లో ఓ ఆసక్తికర ఘటన చోటుచేసుకుంది.

ఓపెనర్లు పెవిలియన్‌ చేరిన అనంతరం క్రీజులోకి వచ్చిన జెమీమా రోడ్రిగ్స్(Jemimah Rodrigues)‌, మారిజానే(Marizanne Kapp).. ఓ బంతిని నో బాల్‌గా ప్రకటించాలని అంపైర్‌ ముందు అప్పీల్‌ చేశారు. వారు అప్పీల్‌ చేసిన తీరు సోషల్‌మీడియాలో వైరల్‌గా మారింది. దీనిపై జెమీమా స్పందిస్తూ.. ఇటీవల రికార్డులను తిరగరాసిన పాన్‌ఇండియా చిత్రం ఆర్‌ఆర్‌ఆర్‌(RRR)లోని ఓ ఫొటోని షేర్‌ చేసింది. రామ్‌చరణ్‌, ఎన్టీఆర్‌తో పోల్చుకుంటూ.. అదే ఎనర్జీ మాలోనూ ఉందని సరదా వ్యాఖ్యను జోడించింది.

ఇక ఈ మ్యాచ్‌లో తొలుత బ్యాటింగ్‌ చేసిన దిల్లీ 223/2  చేయగా.. బెంగళూరు 8 వికెట్ల నష్టానికి 163 పరుగులు మాత్రమే చేయగలిగింది.