Tech Companies: వాట్సాప్ టు స్నాప్చాట్.. ఈ టెక్ దిగ్గజాల మూలాలు ఉక్రెయిన్లోనే!
రష్యాతో జరుగుతున్న యుద్ధంలో అసమాన పోరాట పటిమను ప్రదర్శిస్తూ ప్రంపచ దృష్టిని ఆకర్షించింది ఉక్రెయిన్. ప్రపంచవ్యాప్తంగా ఎక్కువ మంది ఉపయోగించే సోషల్ మీడియా యాప్ల వెనుక ఉక్రెయిన్ వాసులున్నారనేది చాలా మందికి తెలియని విషయం. మరి ఆ యాప్లేంటో చూద్దాం.
ఇంటర్నెట్డెస్క్: రష్యాతో జరుగుతున్న యుద్ధంలో అసమాన పోరాట పటిమను ప్రదర్శిస్తూ ప్రపంచం దృష్టిని ఆకర్షించింది ఉక్రెయిన్. అప్పటి వరకు ఆ దేశం గురించి ప్రపంచానికి తెలిసింది తక్కువే. వైద్య విద్య, విమాన తయారీ మినహా ఆ దేశం పేరు పెద్దగా వార్తల్లో కనిపించేది కాదు. తాజా పరిణామాలతో మరోసారి ఉక్రెయిన్ గురించి అంతర్జాతీయంగా చర్చ మొదలైంది. ఏటా ఎంతో మంది భారతీయ విద్యార్థులు వైద్య విద్య అభ్యసించేందుకు ఉక్రెయిన్కు వెళుతుంటారు. అంతేకాదు ప్రపంచంలోనే అతిపెద్ద కార్గో విమానాన్ని ఉక్రెయిన్ తయారు చేసింది. ఇవన్నీ ఒకవైపు అయితే.. ప్రస్తుతం ప్రపంచవ్యాప్తంగా కోట్లాది మంది ఉపయోగిస్తున్న వాట్సాప్, స్నాప్చాట్, పేపాల్, గ్రామర్లీ వంటి టెక్నాలజీలను అభివృద్ధి చేసింది ఉక్రెయిన్ మూలాలున్న వ్యక్తులే అన్న విషయం చాలా మందికి తెలియదు. అలా ఉక్రెయినీయన్ల చేతుల్లో రూపుదిద్దుకున్న యాప్లు చాలానే ఉన్నాయి.. అవేంటంటే..?
వాట్సాప్ (WhatsApp)
మనలో చాలా మందికి వాట్సాప్.. మెటా (ఫేస్బుక్)కు చెందిన కంపెనీగా మాత్రమే తెలుసు. కానీ, 2014లో వాట్సాప్ను ఫేస్బుక్ కొనుగోలు చేసింది. దానికి ముందు 2009లో యాహూ కంపెనీ మాజీ ఉద్యోగులు బ్రియాన్ యాక్టన్, జాన్ కౌమ్ వాట్సాప్ను అభివృద్ధి చేశారు. వీరిలో జాన్ కౌమ్ ఉక్రెయిన్ రాజధాని కీవ్లో జన్మించారు. ఫస్టివ్ నగరంలో ఆయన బాల్యం గడించింది. జాన్ పదహారేళ్ల వయసులో తల్లి, బామ్మతో కలిసి కాలిఫోర్నియాలోని మౌంటెన్ వ్యూకు వలస వచ్చారు. అలా ఉక్రెయిన్ మూలాలున్న వ్యక్తి చేతుల్లో రూపుదిద్దుకుంది వాట్సాప్ మెసేజింగ్ యాప్.
స్నాప్చాట్ (Snapchat)
ఫొటో మెసేజింగ్ యాప్గా ప్రపంచవ్యాప్తంగా పాపులర్ అయిన స్నాప్చాట్ కూడా ఉక్రెయిన్ రాజధాని కీవ్, మరో నగరం జపోరియాలో కార్యాలయాలను నిర్వహిస్తోంది. స్నాప్చాట్ యాప్లో పాపులర్ అయిన ఫేస్ మాస్క్ సాంకేతికతను ఉక్రెయిన్లోని మూడో అతిపెద్ద నగరం ఒడెస్సాలోని లుక్సెరీ అనే సంస్థ అభివృద్ధి చేసింది. లుక్సెరీ కంపెనీని 2015లో స్నాప్చాట్ సొంతం చేసుకుంది.
పేపాల్ (PayPal)
అమెరికాకు చెందిన డిజిటల్ చెల్లింపుల సంస్థ పేపాల్ కూడా ఉక్రెయిన్ మూలాలున్న వ్యక్తి అభివృద్ధి చేసిందే. పేపాల్ సహ వ్యవస్థాపకుడు మాక్స్ లెవిచిన్ ఉక్రెయిన్లో స్థిరపడిన యూదు కుటుంబంలో జన్మించాడు. 1998లో పీటర్ థీల్, ల్యూక్ నోసెక్లతో కలిసి మాక్స్ పేపాల్ను స్థాపించాడు.
రీడ్లీ (Readdle)
ఉక్రెయిన్లోని ఒడెస్సా నగరం కేంద్రంగా నలుగురు స్నేహితుల కలల ప్రాజెక్టుగా రీడ్లీ రూపుదిద్దుకుంది. ఇది ఒక యాప్ డెవలప్మెంట్ కంపెనీ. ప్రస్తుతం రీడ్లీ సంస్థ ప్రపంచవ్యాప్తంగా డాక్యుమెంట్ ప్రొడక్టవిటీ టూల్స్ను, యాపిల్ కంపెనీకి అవసరమైన యాప్లను అభివృద్ధి చేస్తోంది. పీడీఎఫ్ ఎక్స్పర్ట్, స్పార్క్, ఫులిక్స్, స్కానర్ ప్రో వంటి యాప్లు ఈ కంపెనీ నుంచి వచ్చినవే.
క్లీన్ మై మ్యాక్ (Clean My Mac)
యాపిల్ మ్యాక్ యూజర్లకు అత్యంత సుపరిచితమైన టూల్ క్లీన్ మై మ్యాక్. ఉక్రెయిన్ రాజధాని కీవ్ కేంద్రంగా పనిచేస్తున్న మ్యాక్పా అనే సంస్థ దీన్ని అభివృద్ధి చేసింది. త్వరలోనే కీవ్ కేంద్రంగా యాపిల్ మ్యూజియమ్ ఏర్పాటు చేయనున్నట్లు మ్యాక్పా గతేడాది ప్రకటించింది. మ్యాక్ కంప్యూటర్లు వినియోగాన్ని సులభతరం చేసేందుకు అవసరమైన అన్ని రకాల యాప్లను ఈ సంస్థ రూపొందిస్తోంది.
జూబుల్ (Jooble)
వివిధ దేశాల్లోని ఉద్యోగ సమాచారాన్ని ఆన్లైన్ వేదికగా జూబుల్ కంపెనీ అందిస్తోంది. ప్రపంచవ్యాప్తంగా 71 దేశాల్లో ఈ సంస్థ తన సేవలను విస్తరించింది. ఈ కంపెనీ కూడా ఉక్రెయిన్ రాజధాని కీవ్ నగరంలోనే స్థాపితమైంది. ఉద్యోగార్థుల అర్హతలకు తగినట్లుగా ఉత్తమమైన ఉద్యోగ అవవకాశాల గురించి తెలియజేయడమే ఈ సంస్థ లక్ష్యం.
రివల్యూట్ (Revolut)
వ్లాద్ యట్సెంకో, నికోలాయ్ స్టోరోన్స్కీ అనే ఇద్దరు వ్యక్తులు రివల్యూట్ సంస్థను స్థాపించారు. వీరిలో యట్సెంకో దక్షిణ ఉక్రెయిన్లోని మైకోలైవ్ నగరానికి చెందిన వాడు కాగా, నికోలాయ్ రష్యాకు చెందిన వ్యక్తి. రివల్యూట్ నగదు నిర్వహణకు సంబంధించిన యాప్. ప్రస్తుతం ఈ సంస్థ లండన్ కేంద్రంగా కార్యకలాపాలను నిర్వహిస్తోంది. నగదు నిర్వహణతో పాటు, స్టాక్ ఎక్స్చేంజ్, నగదు మార్పిడి, ఇన్సూరెన్స్ వంటి సేవలను కూడా అందిస్తోంది.
సొలానా (Solana)
సొలానా పబ్లిక్ బ్లాక్చెయిన్ ఫ్లాట్ఫామ్. దీని ద్వారా తక్కువ ఖర్చుతో వేగవంతమైన లావాదేవీలను నిర్వహించవచ్చని కంపెనీ చెబుతోంది. ఎస్ఓఎల్ పేరుతో సొలాన సంస్థ క్రిప్టో కరెన్సీని కూడా నిర్వహిస్తోంది. సొలానాను స్థాపించిన అనాటోలి యాకోవెంకో ఉక్రెయిన్లో జన్మించారు. ఎథిరియమ్ ప్రధాన పోటీదారుగా సొలానా ఉంది.
గ్రామర్లీ (Grammarly)
గ్రామర్లీ.. వెబ్ యూజర్లలో ప్రస్తుతం ఈ పేరు తెలియని వారు ఉండరేమో. రోజూ మనం రాసే ఆంగ్ల వాక్యాల్లో అన్వయ లోపాలు, అక్షర దోషాలను సరిచేసే ఉచిత సాఫ్ట్వేర్గా గ్రామర్లీ ఎంతో మందికి సుపరిచితం. ఈ కంపెనీని ఉక్రెయిన్కు చెందిన మాక్స్ లిట్విన్, అలెక్స్ షెవ్చెంకో, డిమిత్రో లైడర్ అనే ముగ్గురు వ్యక్తులు 2009లో స్థాపించారు. ప్రపంచవ్యాప్తంగా రోజుకు 3 కోట్ల మంది గ్రామర్లీని ఉపయోగిస్తున్నారట. ఏటా 14 లక్షల పదాలను విశ్లేషిస్తుందని సంస్థ పేర్కొంది. ప్రస్తుతం కంపెనీ విలువ 13 బిలియన్ డాలర్లుగా ఉంటుందని నిపుణుల అంచనా.
ఇవేకాకుండా యూరప్లోనే అతిపెద్ద డిజిటల్ మార్కెటింగ్ కంపెనీ నెట్పీక్, గేమింగ్, ఎంటర్టైన్మెంట్ రంగాల్లో ముఖ్యమైన ఫేస్స్వాపింగ్ సాంకేతికతను అందించే రీఫేస్ఏఐ కంపెనీ, స్మార్ట్ హోమ్కు అవసరమైన సెక్యూరిటీ కెమెరాలను అందించే అజాక్స్ సిస్టమ్స్, సోషల్ మీడియా ప్రవర్తనను విశ్లేషించేందుకు ఉపయోగించే యూస్కాన్ అనే టెక్నాలజీ సంస్థలు కూడా ఉక్రెయిన్కు చెందినవే. భవిష్యత్తు తరాలకు అవసరమైన అతి ముఖ్యమైన సాంకేతికతను ప్రపంచానికి అందించడంలో ఉక్రెయిన్ కీలకపాత్ర పోషించింది. ఇప్పుడు అదే నగరం రష్యా దాడులతో కకావికలమవుతుండడం బాధాకరం!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్