WhatsApp: ఒకే గ్రూప్లో 1024 మంది, కమ్యూనిటీస్.. వాట్సాప్ కొత్త ఫీచర్లు వచ్చేశాయ్!
వాట్సాప్ కొత్తగా నాలుగు ఫీచర్లను పరిచయం చేసింది. వీటితో వేర్వేరు గ్రూప్లను ఒకే కమ్యూనిటీ కిందకు తీసుకురావచ్చు. ఇంకా వీడియో కాల్లో 32 మంది పాల్గొనవచ్చు. గ్రూప్లో పోల్ నిర్వహించడంతోపాటు, గరిష్ఠ సభ్యుల సంఖ్యను భారీగా పెంచింది.
ఇంటర్నెట్ డెస్క్: ఒకరికన్నా ఎక్కువ మందితో సమాచారాన్నిషేర్ చేసుకునేందుకు, అభిప్రాయాల్ని తెలియజేసేందుకు వాట్సాప్ (WhatsApp) గ్రూప్లను క్రియేట్ చేస్తుంటాం. కానీ, కొన్ని సందర్భాల్లో ఒకే విషయాన్ని వేర్వేరు గ్రూప్లలో షేర్ చేయడం విసుగు తెప్పిస్తుంది. ఈ సమస్యకు పరిష్కారంగా వాట్సాప్ కొత్తగా కమ్యూనిటీస్ పేరుతో కొత్త ఫీచర్ను పరిచయం చేసింది. దీంతోపాటు మరో మూడు కొత్త ఫీచర్లను వాట్సాప్ తీసుకొచ్చింది. ఆ ఫీచర్లు ఏంటి? వాటితో యూజర్లుకు ఎలాంటి సేవలు అందుబాటులోకి రానున్నాయో చూద్దాం.
కమ్యూనిటీస్
ఈ ఫీచర్తో వేర్వేరు గ్రూప్లు కమ్యూనిటీస్ (Communities) లో భాగం కావచ్చు. గ్రూప్లకు అడ్మిన్ ఉన్నట్లుగానే.. కమ్యూనిటీస్ కూడా అడ్మిన్ ఉంటారు. అడ్మిన్ షేర్ చేసే సమాచారం అన్ని గ్రూప్లలో కనిపిస్తుంది. యూజర్ తమ గ్రూప్లో షేర్ చేసిన సమాచారాన్ని, కమ్యూనిటీస్లోని ఇతర గ్రూప్ సభ్యులు సైతం చూడొచ్చు. ఉదాహరణకు ఏదైనా కాలేజీలో ఒకే తరగతి విద్యార్థులు తమ సెక్షన్ల వారీగా వాట్సాప్ గ్రూప్లు క్రియేట్ చేశారు. ఈ వాట్సాప్ గ్రూప్లు అన్నింటినీ కమ్యూనిటీస్లో ఒకే వేదికపైకి తీసుకురావచ్చు. అంటే, గ్రూప్లో సభ్యుల మాదిరే.. కమ్యూనిటీస్లో గ్రూప్లు ఉంటాయి.
ఒక గ్రూప్లో షేర్ చేసిన సమాచారం ఇతర గ్రూప్ సభ్యులు చూడాలా? వద్దా? అనేది కమ్యూనిటీస్ అడ్మిన్ నిర్ణయిస్తారు. ఒక గ్రూప్లోని సభ్యులు, మరో గ్రూప్లో చేరటం, ఒకేసారి అన్ని గ్రూప్లలో సమాచారం షేర్ చేయడం వంటి అధికారాలు అడ్మిన్ చేతిలో ఉంటాయి. చాట్ పేజీలో కమ్యూనిటీస్ పేరుతో ఫీచర్ కనిపిస్తుంది. దానిపై క్లిక్ చేసి కొత్త కమ్యూనిటీ క్రియేట్ చేసి అందులో గ్రూప్లను చేర్చవచ్చు. కమ్యూనిటీలో చేర్చేందుకు గ్రూప్ అడ్మిన్ల అనుమతి అవసరమా? లేదా? అనేది తెలియాల్సివుంది. ప్రస్తుతం ఈ ఫీచర్ కొద్దిమంది యూజర్లకు అందుబాటులో ఉంది. త్వరలోనే ఈ అప్డేట్ పూర్తిస్థాయిలో యూజర్లకు పరిచయంకానుంది.
వాట్సాప్లో పోల్
ఏదైనా ముఖ్యమైన నిర్ణయం తీసుకునే ముందు ఎక్కువ మంది గ్రూప్ సభ్యుల అభిప్రాయం తెలుసుకునేందుకు వాట్సాప్ ఇన్-చాట్ పోల్స్ (in-chat polls) అనే ఫీచర్ను తీసుకొచ్చింది. ఇందులో గరిష్ఠంగా 12 ఆప్షన్లు ఉంటాయి. గ్రూప్ అడ్మిన్ పోల్ క్రియేట్ చేసి సభ్యులతో షేర్ చేస్తే, వారు తమకు నచ్చిన ఆప్షన్ను ఎంపిక చేసి పోల్లో పాల్గొనవచ్చు. ఈ ఫీచర్ కోసం యూజర్లు ఫైల్ అటాచ్ ఐకాన్పై క్లిక్ చేస్తే పోల్ ఆప్షన్ కనిపిస్తుంది. దాన్ని ఓపెన్ చేసి పోల్ క్రియేట్ చేయొచ్చు.
గ్రూప్ కాలింగ్
ప్రస్తుతం వాట్సాప్లో ఒకేసారి ఎనిమిది మంది వీడియో కాల్ (Video Calling) మాట్లాడే అవకాశం ఉంది. తాజా అప్డేట్లో ఈ సంఖ్యను 32 మందికి పెంచుతున్నట్లు వాట్సాప్ ప్రకటించింది. వాట్సాప్ వీడియోకాల్ ఫీచర్ పరిచయమైన తొలినాళ్లలో కేవలం ఇద్దరు మాత్రమే పాల్గొనే అవకాశం ఉండేది. తర్వాత ఆ సంఖ్యను వరుసుగా నాలుగు, ఎనిమిదికి పెంచగా, తాజాగా 32కు చేరింది.
ఒకే గ్రూప్లో 1024 మంది
ఒక గ్రూప్ (Groups)లో వెయ్యి కంటే ఎక్కువ మంది సభ్యులుగా ఉండేలా మార్పులు చేయనున్నట్లు కొద్దిరోజుల క్రితం వాట్సాప్ ప్రకటించింది. తాజాగా గ్రూప్ సభ్యుల గరిష్ట సంఖ్యను 1024కు పెంచినట్లు తెలిపింది. దీనివల్ల ఒకేసారి ఎక్కువ మందితో సమాచారాన్ని సులువుగా షేర్ చేయవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వాట్సప్ ఛాట్ ఫిల్టర్
వాట్సప్ గత కొన్నిరోజులుగా గోప్యతను కాపాడుతూనే ఎన్నో వినూత్న ఫీచర్లు పరిచయం చేస్తోంది. ఎక్కువ మందికి మెటా ఏఐని అందుబాటులోకి తేవటం దగ్గరి నుంచి యాప్ నుంచే బస్ టికెట్లు కొనుక్కోవటానికి వీలు కల్పించటం వరకూ ఎన్నో సదుపాయాలను ఆరంభించింది. -
సైన్ఇన్ లేకుండానే ఛాట్జీపీటీ
ఛాట్జీపీటీని వాడుకోవాలంటే ముందు సైన్ఇన్ కావాల్సి ఉంటుంది. పాస్వర్డ్ను మరచిపోవటం వంటి సందర్భాల్లో ఇది కష్టంగా అనిపిస్తుంటుంది. -
ఎక్స్లో కమ్యూనిటీ నోట్స్
ఎన్నికలకు సన్నద్ధం అవుతున్న తరుణంలో ఎక్స్ (ట్విటర్) మనదేశంలో కమ్యూనిటీ నోట్స్ను అందుబాటులోకి తెచ్చింది. ఈ ఫీచర్కు కంట్రిబ్యూట్ చేయటానికి కొత్తవారికీ ఆహ్వానం పలికింది -
వైఫై పాస్వర్డ్ మరిచారా?
ఇంటికి వచ్చిన అతిథులో, పరిచయం ఉన్నవారో వైఫై పాస్వర్డ్ అడుగుతుంటారు. చాలాసార్లు అదేంటో గుర్తుకురాదు. మరెలా? చేతిలో ఫోన్ ఉంటే ఇట్టే తెలుసుకోవచ్చు. ఐఫోన్ వాడేవారైతే- సెటింగ్స్ ద్వారా వైఫై విభాగంలోకి వెళ్లాలి. -
సైబర్ నేరాలకు చక్షు కళ్లెం
మోసపూరిత కాల్స్, మెసేజ్ల వంటి సైబర్ నేరాలను అరికట్టటానికి టెలికం విభాగం కొత్త పోర్టల్ను పరిచయం చేసింది. సంచార్ సాథీ కార్యక్రమంలో భాగంగా తీసుకొచ్చిన దీని పేరు చక్షు. -
యాపిల్ పాడ్కాస్ట్లు అక్షరాల్లో..
పాడ్కాస్ట్లు ఎంత పాపులర్ అవుతున్నాయో చూస్తూనే ఉన్నాం. దీన్ని దృష్టిలో పెట్టుకునే యాపిల్ సంస్థ పాడ్కాస్ట్లను మరింత విస్తృతంగా అందుబాటులోకి తేవటానికి, వాటిల్లోని అంశాలను, విషయాలను తేలికగా కనుక్కోవటానికి ఓ వినూత్న ఫీచర్ను ప్రవేశపెట్టింది -
ఫొటోతోనే వీడియో..
షేక్స్పియర్ స్వగతాన్ని మోనాలిసా పాట రూపంలో పాడితే? అదెలా సాధ్యమని ఆశ్చర్యపోకండి. కృత్రిమ మేధ(ఏఐ)తో ఇలాంటి అద్భుతాలు ఎన్నయినా చేయొచ్చు -
చిటికెలో వెబ్సైట్
కొద్ది నిమిషాల్లో వెబ్సైట్ను సృష్టించుకోవాలని అనుకుంటున్నారా? అయితే విక్స్ ఏఐ వెబ్సైట్ బిల్డర్ సాయం తీసుకోవచ్చు. ఇది ఏఐ ఛాట్బాట్ సాయంతో సెకండ్లలోనే వెబ్సైట్ను తయారుచేస్తుంది మరి. -
మన డ్రోన్ ఉపగ్రహం!
డ్రోన్ల గురించి తెలిసిందే. వేడుకల్లో వీడియోలు తీయటం దగ్గరి నుంచి పొలాల్లో మందులు చల్లటం వరకూ రకరకాల పనులకు ఉపయోగపడుతున్నాయి. మరి ఇవి ఉపగ్రహం మాదిరిగానూ పనిచేస్తే? అలా ఉపయోగపడగల మానవరహిత బుల్లి విమాన వాహనాన్ని (అన్మ్యాన్డ్ ఏరియల్ వెహికల్- యూఏవీ) బెంగళూరులోని నేషనల్ ఏరోస్పేస్ ల్యాబోరేటరీస్ (ఎన్ఏఎల్) గతవారం విజయవంతంగా పరీక్షించింది. -
వాట్సప్లో ఫేవరెట్స్ ట్యాబ్
వాట్సప్ ఛాట్స్ జాబితాలో ఇష్టమైన కాంటాక్టులను కనుక్కోవటం కష్టంగా ఉందా? త్వరలోనే దీనికి పరిష్కారం లభించనుంది. కొత్తగా ఫేవరెట్స్ ట్యాబ్ను పరిచయం కానుంది. దీన్ని ప్రస్తుతం ఐఓఎస్, వెబ్ యూజర్ల కోసం పరీక్షిస్తున్నారు. -
ఎక్స్ క్యాచీ శుభ్రం
ఎక్స్ (ట్విటర్) మొబైల్ యాప్ ఫోన్లో, ట్యాబ్లెట్లో క్యాచ్డ్ ఫైళ్లను నిల్వ చేస్తుందని తెలుసా? ఒకవేళ ఫోన్లో స్టోరేజీ నిండుకుంటున్నట్టయితే ఎక్స్ వెబ్, మీడియా క్యాచీని తొలగించుకోవటం తేలికైన, సత్వర పరిష్కార మార్గంగా ఉపయోగపడుతుంది. -
టెక్ చిట్కాలు
ఇన్స్టాగ్రామ్ యూజర్లు ఇకపై బయోలో ఐదు లింకుల వరకు యాడ్ చేసుకోవచ్చు. యాప్లో లాగిన్ అయ్యాక అకౌంట్ సెటింగ్స్ను ఓపెన్ చేయాలి. మన ఫొటో దిగువన ఉండే ఎడిట్ ప్రొఫైల్లోకి వెళ్లి యాడ్ లింకును క్లిక్ చేయాలి. షేర్ చేయాలనుకునే లింకు జత చేసుకుంటే సరి. -
ప్రైవసీ విధాన వివరాలు తేలికగా ..
వెబ్సైట్లకు ప్రైవసీ పాలసీలు ఉండటం తెలిసిందే. వీటిని చాలామంది పెద్దగా పట్టించుకోరు. ఒకవేళ ఆయా విధానాలను చదవాలన్నా పెద్దగా ఉంటాయి. -
యూట్యూబ్ వీడియో ఆడియోగా మారితే
యూట్యూబ్ అంటే ఎప్పుడూ చూడటమేనా? రేడియో మాదిరిగా పాటలు, సంగీతాన్ని వినలేమా? కొన్నిసార్లు ఇలాగే అనిపిస్తుంటుంది. వీడియోలను ఆడియో ఫైళ్లుగా సేవ్ చేసుకుంటే ఇది సాధ్యమే -
సోషల్ ఖాతా హ్యాక్ అయితే?
ఫేస్బుక్, ఎక్స్, ఇన్స్టాగ్రామ్.. ఇలా ఎన్నెన్నో సామాజిక మాధ్యమాలు. అభిప్రాయాలు పంచుకోవటానికైనా.. చుట్టుపక్కల సమాచారాన్ని తెలుసుకోవటానికైనా ఇవి ఎంతగానో ఉపయోగపడుతున్నాయి -
అనవసర జీమెయిళ్ల తొలగింపు తేలికగా
అనవసర ఈమెయిళ్లు చాలా చికాకు కలిగిస్తాయి. రోజురోజుకీ ఇన్బాక్స్లో నిండిపోతూ వస్తుంటాయి. కొన్నిసార్లు వీటిని డిలీట్ చేయటానికే సమయమంతా వెచ్చించాల్సిన పరిస్థితి తలెత్తుతుంది. -
మెయిల్కు జవాబు మరుస్తుంటే?
మెయిల్ను చదువుతాం. తర్వాత జవాబిద్దామని అనుకుంటాం. తీరా మరచిపోతాం. ఎప్పటికో గానీ గుర్తుకురాదు. చాలాసార్లు ఇలాంటి పరిస్థితిని ఎదుర్కొంటూనే ఉంటాం కదా. -
ఫోన్ టైపింగ్ వేగంగా
స్మార్ట్ఫోన్లో వేగంగా టైప్ చేయాలనుకుంటున్నారా? అయితే టెక్స్ట్ రిప్లేస్మెంట్ సాయం తీసుకోండి. దీంతో పెద్ద పదబంధాలకు షార్ట్కట్స్ను సెట్ చేసుకుంటే చాలా సమయం ఆదా అవుతుంది. -
స్నాప్చాట్ లైవ్ లొకేషన్తో భద్రం
మీ పిల్లలు స్నాప్ఛాట్ వాడుతున్నారా? కాస్త జాగ్రత్త. దీనిలోని లైవ్ లొకేషన్ ఫీచర్ను కొందరు దుర్వినియోగం చేయొచ్చు. పిల్లలు ఎక్కడున్నారో గుర్తించొచ్చు. -
మన మెయిల్ మనకే!
కొత్త సంవత్సరంలో లక్ష్యాలు నిర్దేశించుకున్నారా? వాటిని ఎంతవరకు సాధించారో ఎప్పటికప్పుడు సమీక్షించుకోవటం ఎంతైనా మేలు చేస్తుంది. ఇంకా చేయాల్సిందేంటి? ఎలా చేయాలి? అనేవి నిర్ణయించుకోవటానికి వీలవుతుంది -
ఛాట్జీపీటీకి సమాచారమా?
ఛాట్జీపీటీ వాడుతున్నారా? దీనికి వ్యక్తిగత వివరాలూ ఇస్తున్నారా? అయితే జాగ్రత్త పడాల్సిందే. ఛాట్జీపీటీకి మనం ఇచ్చే సమాచారమంతా భవిష్యత్ ఏఐ నమూనాలకు తర్ఫీదు ఇవ్వటానికి ఉపయోగపడుతుంది. మున్ముందు ఇదెక్కడికి దారితీస్తుందో ఎవరికీ తెలియదు.