వచ్చే రెండేళ్లలో 39.31 కోట్ల మొక్కలు

ప్రభుత్వం నిర్ణయించిన హరితహారం లక్ష్యం

ఈనాడు, హైదరాబాద్‌: రాష్ట్రంలో రానున్న రెండేళ్లకు తెలంగాణకు హరితహారం కింద మొక్కల లక్ష్యాన్ని ప్రభుత్వం నిర్ణయించింది. రాష్ట్రవ్యాప్తంగా 2023 ఏడాదికి 19.29 కోట్లు, 2024 ఏడాదికి 20.02 కోట్ల చొప్పున మొత్తం 39.31 కోట్ల మొక్కలు నాటించనుంది. పంచాయతీరాజ్‌, గ్రామీణాభివృద్ధి శాఖ పరిధిలో 12.84 కోట్ల మొక్కలు నాటాలని ఆదేశించింది. ఉపాధిహామీ కింద ఈ కార్యక్రమాన్ని చేపట్టేందుకు వీలుగా జిల్లాస్థాయి లక్ష్యాలను పంచాయతీరాజ్‌శాఖ నిర్ణయించింది. సవరించిన లక్ష్యాల మేరకు పంచాయతీరాజ్‌ శాఖ పరిధిలో ఏర్పాట్లు చేయాలని కోరుతూ గ్రామీణాభివృద్ధిశాఖ సంచాలకుడు ఎం.హన్మంతరావు శనివారం జిల్లా కలెక్టర్లకు లేఖ రాశారు.