Ukraine Crisis: వేల అణ్వాయుధాలు ఏమయ్యాయి.. నమ్మి నట్టేట మునిగిన ఉక్రెయిన్..!
పుట్టుకతోనే ఐదువేల అణ్వాయుధాలతో ప్రపంచంలోనే మూడో అతిపెద్ద అణుశక్తి ఉక్రెయిన్. కానీ, ప్రపంచ దేశాల మాటలు నమ్మి.. అణ్వాయుధాలు వదులుకొని.. జాతీయ భద్రతను వారి చేతిలో పెట్టినందుకు ఫలితం అనుభవిస్తోంది. దీనికి తోడు అవినీతి మర్రివూడల్లా వేళ్లూనుకోవడం..
ప్రపంచ దేశాల మొక్కుబడి సాయం
ఇంటర్నెట్డెస్క్ ప్రత్యేకం
పుట్టుకతోనే ఐదువేల అణ్వాయుధాలతో ప్రపంచంలోనే మూడో అతిపెద్ద అణుశక్తి ఉక్రెయిన్. కానీ, ప్రపంచ దేశాల మాటలు నమ్మి.. అణ్వాయుధాలు వదులుకొని.. జాతీయ భద్రతను వారి చేతిలో పెట్టినందుకు ఫలితం అనుభవిస్తోంది. దీనికి తోడు అవినీతి మర్రివూడల్లా వేళ్లూనుకోవడం.. పరాయి దేశాలకు అడుగులకు మడుగులొత్తే వారు అధికారంలోకి రావడం దానికి శాపంగా మారింది. ఫలితంగా దేశ రక్షణ కోసం నిస్సహాయంగా ఆర్తనాదాలు చేస్తోంది. నాడు ముచ్చట్లు చెప్పిన దేశాలు ఒక్కటి కూడా పూర్తి సాయానికి రావడంలేదు. దీంతో మౌనంగా తమకు జరిగిన అన్యాయానికి ఉక్రెయిన్ వాసులు కుమిలిపోయే పరిస్థితి వచ్చింది.
మూడో అతిపెద్ద అణుశక్తిగా ఆవిర్భావం..
కోల్డ్ వార్ ముగిసే సమయానికి బ్రిటన్, ఫ్రాన్స్, చైనాల కంటే అత్యధిక అణ్వాయుధాలు ఉన్న దేశం ఉక్రెయిన్. ఈ దేశం ఆవిర్భవించే నాటికి రష్యా నుంచి వారసత్వంగా వచ్చిన దాదాపు 5 వేలకు పైగా అణ్వస్త్రాలు దీనికి ఉన్నాయి. సోవియట్కు చెందిన 43 రాకెట్ ఆర్మీ, 19వ రాకెట్ డివిజన్, 37వ గార్డ్స్ రాకెట్ డివిజన్, 46వ రాకెట్ డివిజన్, 50వ రాకెట్ డివిజన్లు ఉక్రెయిన్లో ఉన్నాయి. వీటి వద్ద ఉన్న 175 ఖండాంతర క్షిపణులను ఉక్రెయిన్లో పలు ప్రాంతాల్లోని భూగర్భ బొరియల్లో భద్రపరిచింది. ఎస్ఎస్24 క్షిపణులు కూడా ఉన్నాయి. ఈ క్షిపణులు ఒక్కోటి 10 థర్మో న్యూక్లియర్ అణ్వాయుధాలను ప్రయోగించగలదు. ఉక్రెయిన్ కంటే రష్యా, అమెరికా వద్ద మాత్రమే అత్యధిక అణ్వాయుధాలు ఉన్నాయి. 33 హెవీ బాంబర్లు కూడా ఉక్రెయిన్లో ఉన్నాయి. కొత్త పాలకులు వీటిని నిర్వహించే సైనికులు, కమాండర్లను దేశానికి విశ్వాసంగా ఉంటామని ప్రతిజ్ఞ చేయమని కోరగా.. కొందరు నిరాకరించడంతో గందరగోళ పరిస్థితి నెలకొంది.
నమ్మి బుడాపెస్ట్ ఒప్పందంపై సంతకం..
ఉక్రెయిన్తో అణు నిరాయిధీకరణ చేయించేందుకు బ్రిటన్, రష్యా, అమెరికా చర్చలు జరిపాయి. 1994లో ఈ నాలుగు దేశాలు ఒక ఒప్పందానికి వచ్చినట్లు అమెరికా అధ్యక్షుడు బిల్ క్లింటన్ జనవరి 10వ తేదీన ఒక ప్రకటన చేశారు. 1994 డిసెంబర్ 5వ తేదీన హంగేరీ రాజధాని బుడాసెస్ట్లో జరిగిన కార్యక్రమంలో రష్యా అధ్యక్షుడు బోరిస్ ఎల్సిన్, అమెరికా అధ్యక్షుడు బిల్ క్లింటన్, ఉక్రెయిన్ అధ్యక్షుడు లియోనిడ్ కుచ్మా, బ్రిటన్ ప్రధాని జాన్ మేజర్ నాన్ప్రోలిఫరేషన్ ఒప్పందంపై సంతకాలు చేశారు. దీనిని బుడాపెస్ట్ ఒప్పందంగా పిలుస్తారు. దీని ప్రకారం ఉక్రెయిన్ అణ్వాయుధాలను నాశనం చేయాలి. దీనికి ప్రతిగా ఉక్రెయిన్ సార్వభౌమత్వానికి, నాటి సరిహద్దులను గౌరవించాలి. ఉక్రెయిన్కు వ్యతిరేకంగా ఈ దేశాలు ఎటువంటి సైనిక శక్తిని ప్రయోగించకూడదు. వెంటనే ఉక్రెయిన్ ఒప్పందాన్ని అమలు చేసేలా సాయం చేయడానికి ఐరాస భద్రతమండలి రంగంలోకి దిగింది. అమెరికా సెనెట్ దీనిని సాధారణంగా ఆమోదించింది. అమెరికా ఇచ్చిన వాగ్దానం ‘చట్టపరమైన హామీ వలే’ పరిగణిస్తామని పేర్కొంది. కానీ, చట్టపరమైన హామీ అని మాత్రం చెప్పలేదు. ఆ తర్వాత 1996 నాటికి చిట్టచివరి అణ్వాయుధం కూడా రష్యాకు అప్పగించింది. ఈ ఒప్పందాన్ని శాంతి ఉద్యమకారులు, దౌత్యవేత్తలు గొప్ప విజయంగా చెప్పుకొంటారు.
పుతిన్ రాకతో మారిన చిత్రం..
బోరిస్ ఎల్సిన్ తర్వాత రష్యాలో పుతిన్ అధికారం చేపట్టారు. నాటి నుంచి మెల్లగా పరిస్థితులు మారుతూ వస్తున్నాయి. రష్యా విశ్వరూపం చూపించడం మొదలుపెట్టింది. మరోపక్క ఉక్రెయిన్లో రాజకీయాలను ప్రభావితం చేసిన కీలుబొమ్మ ప్రభుత్వాలను అధికారంలోకి తెచ్చేందుకు విశ్వప్రయత్నం చేశారు. ఒక దశలో రష్యా వ్యతిరేక అభ్యర్థి విక్టర్ యష్చంకోపై విషప్రయోగం చేశారు. కానీ, అదృష్టం కొద్దీ ఆయన బతికి బట్టకట్టి అధికారం చేపట్టారు. కానీ, 2010లో రష్యా కీలుబొమ్మగా పేరుగాంచిన విక్టర్ యాన్కోవిచ్ అధికారం చేపట్టారు. దీంతో మెల్లగా రష్యా పట్టు పెరిగిపోయింది. యాన్కోవిచ్కు వ్యతిరేకంగా మైదన్ స్క్వేర్ ఆందోళన చోటు చేసుకొంది. దీంతో యాన్కోవిచ్ రష్యాకు పారిపోయారు. దీంతో పట్టు కోల్పోతామని భావించిన పుతిన్ క్రిమియాను ఆక్రమించడంతో పాటు తూర్పు ప్రాంతమైన డాన్బాస్ ప్రాంతంలో వేర్పాటు వాదాన్ని ఎగదోశారు. అప్పుడు కూడా అమెరికా, బ్రిటన్లు రష్యాపై ఆంక్షలు విధించి చేతులు దులుపుకొన్నాయి సైన్యాలను పంపి అండగా నిలవలేదు.
ముందే చేతులెత్తేసిన అమెరికా..
నాటోలో భాగస్వామ్యం కావాలంటూ కొన్నేళ్లుగా ఉక్రెయిన్ నెత్తీనోరు బాదుకొంటున్నా.. అమెరికా సహకరించలేదు. ఉక్రెయిన్ నాటో సభ్యత్వాన్ని అడ్డుకొనేందుకు యత్నించిన ఫ్రాన్స్, జర్మనీలను వారించలేదు. తాజాగా పుతిన్ యుద్ధసన్నాహాలు చేస్తున్న సమయంలో తమ దళాలు ఉక్రెయిన్లో పోరాడవని అమెరికా అధ్యక్షుడు జోబైడెన్ ముందుగానే ప్రకటించారు. ఇది రష్యా ధైర్యాన్ని మరింత పెంచింది. నాటో సభ్యదేశం, ఐరోపా ఆర్థిక శక్తి అయిన జర్మనీ ఉక్రెయిన్కు మద్దతుగా కొన్ని హెల్మెట్లతో పాటు వైద్యసాయం అందిస్తామని ప్రకటించి చేతులు దులుపుకొంది. జర్మనీ ఆయుధాలను ఉక్రెయిన్ ఇవ్వొద్దని బాల్టిక్ దేశాలను అడ్డుకొంది. చివరికి తమ ప్రాణాలు కాపాడేందుకు ఎవరూ రారని ఉక్రెయిన్ వాసులకు అర్థమైంది. ఆత్మరక్షణ కోసం వృద్ధులతో సహా చాలా మంది తక్షణమే సైనిక శిక్షణ పొందడం మొదలుపెట్టారు. 2014 క్రిమియా ఆక్రమణలో లోపాలను సరిచేసుకొని పుతిన్ తాజాగా మరోసారి ఉక్రెయిన్పై దండెత్తారు. అత్యంత బలీయశక్తి అయిన రష్యాపై ఉక్రెయిన్ నిస్సహాయంగా పోరాడుతోంది. ప్రపంచ దేశాలు బయటకు వల్లెవేసే శాంతి వచనాలను విని తమకు రక్షణగా నిలిచే ఆయుధాలను వదిలినందుకు ఉక్రెయిన్ వాసులు 2014 నుంచి పశ్చాత్తాప పడుతూనే ఉన్నారు. డాన్బాస్లోని రెండు ప్రాంతాలకు గుర్తింపునిచ్చే సమయంలో ఉక్రెయిన్ అణ్వాయుధాలు తయారు చేస్తుందంటూ ఆరోపించడం పుతిన్ గడసరితనానికి నిదర్శనంగా నిలిచింది. మరోపక్క తన భార్య జిల్తో కలిసి నేడు ఉక్రెయిన్ ప్రజల కోసం ప్రార్థిస్తానని అమెరికా అధ్యక్షుడు జోబైడెన్ పేర్కొనడం కొసమెరుపు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
విమానాలు రద్దయితే ఆటోమేటిక్ రిఫండ్
విమానాల రద్దు, మార్గం మళ్లింపు వంటి సందర్భాల్లో ప్రయాణికుల నుంచి ఎలాంటి అభ్యర్థన లేకుండానే వారి సొమ్ము వాపస్ చేసేలా అమెరికా ప్రభుత్వం కొత్త నిబంధనలు తీసుకొచ్చింది. -
బంగ్లాదేశ్ ఎదుగుదలను చూసి సిగ్గుపడుతున్నాం: షెహబాజ్
ఒకప్పుడు తమకు భారం అనుకున్న బంగ్లాదేశ్ను చూసి ఇపుడు సిగ్గుపడాల్సి వస్తోందని పాకిస్థాన్ ప్రధానమంత్రి షెహబాజ్ షరీఫ్ అన్నారు. -
అమెరికా వర్సిటీల్లో అరెస్టుల పర్వం
గాజాలో అమెరికా-హమాస్ మధ్య జరుగుతున్న పోరు అమెరికా విశ్వవిద్యాలయాల్లో ప్రకంపనలు రేపుతోంది. -
హైతీ ప్రధాని రాజీనామా
హింసాత్మక ఘటనలతో కుదేలైన కరీబియన్ దేశం హైతీలో ప్రధాన మంత్రి పదవి నుంచి వైదొలగుతున్నట్లు ఆరియల్ హెన్రీ గురువారం ప్రకటించారు. -
బుర్కినాఫాసోలో సైన్యం ఊచకోత
మిలిటెంట్లకు సహకరిస్తున్నారని ఆరోపిస్తూ బుర్కినాఫాసోలోని రెండు గ్రామాలపై ఆ దేశ సైన్యం విరుచుకుపడిందని ‘హ్యూమన్ రైట్స్ వాచ్’ సంస్థ గురువారం ప్రచురించిన ఓ నివేదికలో తెలిపింది. -
తక్షణం బందీలను విడుదల చేయండి
రఫాపై ఇజ్రాయెల్ దాడికి సిద్ధమవుతున్న వేళ.. బందీలను విడుదల చేయాల్సిందిగా హమాస్కు అమెరికా సహా 18 దేశాలు విజ్ఞప్తి చేశాయి. -
కుంగుబాటుకు గుండె జబ్బుతో లంకె
కుంగుబాటు, గుండె జబ్బుకు ఒకేరకమైన జన్యువులు కారణం కావొచ్చని ఫిన్లాండ్ శాస్త్రవేత్తల పరిశోధనలో తేలింది. -
భారీ వర్షాలకు దెబ్బతిన్న జైలు.. నైజీరియాలో 118 మంది ఖైదీల పరార్
నైజీరియాలో కురుస్తున్న భారీ వర్షాలకు జైలు దెబ్బతినడంతో వంద మందికిపైగా ఖైదీలు తప్పించుకుని పారిపోయారు. -
భారత ప్రజాఫిర్యాదు పరిష్కార వ్యవస్థ భేష్
భారత్లోని కేంద్రీకృత ప్రజాఫిర్యాదుల పరిష్కార వ్యవస్థ.. కామన్వెల్త్ దేశాల్లోనే అత్యుత్తమంగా నిలిచింది. -
మరో వాణిజ్య నౌకపై హూతీల దాడి!
ఎర్ర సముద్రంలో మళ్లీ వాణిజ్య నౌకలపై హూతీ వేర్పాటువాదుల దాడులు ప్రారంభమయ్యాయి. ఏడెన్ జలసంధి సమీపంలో ఓ నౌకపై గురువారం దాడి జరిగినట్లు యునైటెడ్ కింగ్డమ్ మారిటైమ్ ట్రేడ్ ఆపరేషన్స్ సెంటర్ తెలిపింది. -
అంతరిక్ష కేంద్రానికి పయనమైన చైనా వ్యోమగాములు
చైనా శుక్రవారం తన రోదసి కేంద్రంలోకి ముగ్గురు వ్యోమగాములను పంపింది. 2030 నాటికి చందమామపైకి మానవులను పంపాలన్న లక్ష్యంలో భాగంగా దీన్ని చేపట్టింది. -
చిత్రవార్త
-
‘పాలస్తీనా’ ప్రకటిస్తే ఆయుధాలు వీడటానికి సిద్ధం
కాల్పుల విరమణకు సంబంధించి ఇజ్రాయెల్- హమాస్ మధ్య ప్రతిష్టంభన కొనసాగుతున్న వేళ.. హమాస్ ఉన్నతస్థాయి రాజకీయ ప్రతినిధి ఖలీల్ అల్-హయ్యా కీలక ప్రతిపాదనలు చేశారు. -
మిన్నంటుతున్న ఆకలి కేకలు!
గతేడాది 59 దేశాల్లో 28.2 కోట్ల మంది తీవ్ర ఆకలి సమస్యను ఎదుర్కొన్నట్లు ఆహార సంక్షోభంపై ఐక్యరాజ్యసమితి వెలువరించిన అంతర్జాతీయ నివేదిక తెలిపింది. -
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
ఇటీవల మాల్దీవుల పార్లమెంటరీ ఎన్నికలపై భారత్ స్పందించింది. ఎన్నికలు విజయవంతమైనందుకు అభినందనలు తెలిపింది. -
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
ఒకప్పుడు భారం అనుకున్న బంగ్లాదేశ్ను చూసి సిగ్గుపడాల్సి వస్తోందని పాకిస్థాన్ ప్రధానమంత్రి షెహబాజ్ షరీఫ్ అన్నారు.
తాజా వార్తలు (Latest News)
-
విశాఖ ఉక్కు భూముల విషయంలో యథాతథ స్థితి పాటించండి
-
‘యూటీఎస్’ పరిధి పెంపు.. ఇక ఎంత దూరం నుంచైనా జనరల్ టికెట్ కొనచ్చు..
-
చిరంజీవిని విమర్శిస్తే ఖబడ్దార్.. వైకాపాకు సీఎం రమేశ్ హెచ్చరిక
-
రారండోయ్.. ఓటేయడానికి ఆంధ్రాకు
-
ఈ చిట్టితల్లికి కష్టమొచ్చింది!.. అరుదైన క్యాన్సర్తో పోరాడుతున్న బాలిక
-
ఓ అన్న మాట్లాడాల్సిన మాటలేనా?.. షర్మిల చీరపై జగన్ అభ్యంతరకర వ్యాఖ్యలు