MSP: పంటలకు మద్దతు ధర హామీ మరచిన జగన్‌ సర్కార్

మద్దతు ధరలకు జగన్‌ ప్రభుత్వం కొత్త భాష్యం చెబుతోంది. అధికారంలోకి వచ్చిన తొలి నాళ్లలో నిర్ణయించిన ధరల్నే ఇప్పటికీ వల్లెవేస్తోంది. కేంద్రం తాము ప్రకటించే మద్దతు ధరలను ఏటా ఎంతో కొంత పెంచుతున్నా.. రాష్ట్రం మాత్రం తమ జాబితాలోని వాటికి అలా పెంచాలన్న ఊసే మరచింది. ఖరీఫ్‌లో విత్తనం వేయడానికి ముందే ఏటా మద్దతు ధరల్ని ప్రకటించి అమలు చేస్తామని ఎన్నికలకు ముందు హామీ ఇచ్చిన ముఖ్యమంత్రి.. తర్వాత పెంపు విషయాన్ని విస్మరించారు.