TS News: రైతు భరోసా, రుణమాఫీపై కాంగ్రెస్‌ ప్రభుత్వం కసరత్తు

రైతుభరోసా, పంటలబీమా, రుణమాఫీ పథకాల విధివిధానాలపై తెలంగాణ ప్రభుత్వం విస్తృత కసరత్తు చేస్తోంది. గత నెలలో కురిసిన అకాల వర్షాలకు దెబ్బతిన్న పంటల నష్టంపై అంచనాలు పూర్తి చేసిన ప్రభుత్వం.. సార్వత్రిక ఎన్నికలు పూర్తైన తర్వాత పరిహారం చెల్లించేందుకు సన్నాహాలు చేస్తోంది. రాబోయే వానాకాలం సీజన్ కోసం ఇప్పటి నుంచే రసాయన ఎరువులు, విత్తనాలు, ఇతర ఉపకరణాలు రైతులకు అందించేందుకు ప్రణాళికలు సిద్ధం చేస్తోంది.