China: జీరో కొవిడ్‌ విధానం ఎత్తేసిన 2 నెలల్లోనే.. 20లక్షల మరణాలు!

ప్రపంచం మొత్తం కొవిడ్‌ (Covid 19) ఆంక్షలు ఎత్తివేసిన తర్వాత కూడా చైనా (China) మాత్రం అనేక నెలల పాటు జీరో కొవిడ్‌ (Zero Covid) విధానాన్ని అనుసరించింది. దీనిపై అక్కడ దేశవ్యాప్తంగా తీవ్ర విమర్శలు, ఆందోళనలు వ్యక్తం కావడంతో గతేడాది డిసెంబర్‌లో కొవిడ్‌ ఆంక్షలను ఒక్కసారిగా ఎత్తివేసింది. దీంతో ఊహించని స్థాయిలో కొవిడ్‌ మరణాలు సంభవించాయనే వార్తలు వచ్చాయి. జీరో-కొవిడ్‌ విధానం ఎత్తేసిన రెండు నెలల్లోనే సుమారు 20లక్షల మరణాలు సంభవించి ఉండొచ్చని అమెరికా అధ్యయనం అంచనా వేసింది.