Narendra Modi : టైగర్‌ రిజర్వును సందర్శించిన ప్రధాని నరేంద్ర మోదీ

ప్రధాని నరేంద్ర మోదీ నేడు కర్ణాటకలోని బండీపుర టైగర్‌ రిజర్వును సందర్శించారు. దాదాపు 20 కిలోమీటర్లు ప్రయాణించి అటవీ అందాలను ఆస్వాదించారు. ఖాకీ ప్యాంట్‌, కామోఫ్లాజ్‌ టి-షర్ట్‌, స్లీవ్‌లెస్‌ జాకెట్‌ ధరించిన మోదీ ఈ కార్యక్రమంలో ఉత్సాహంగా పాల్గొన్నారు. ఈ టైగర్‌ రిజర్వ్‌ను సందర్శించిన తొలి ప్రధానిగా మోదీ నిలిచారు. అనంతరం తమిళనాడులో ముదుమలై టైగర్‌ రిజర్వును ఆయన పరిశీలించారు. ‘ఎలిఫెంట్‌ విస్పరర్స్‌’ డాక్యుమెంటరీలో కనిపించిన బొమ్మన్‌, బెల్లీలను కలిసి అభినందించడంతో పాటు అక్కడి ఏనుగులను పరిశీలించారు.