నానో పార్టికల్స్‌తో క్యాన్సర్‌పై దాడి

క్యాన్సర్‌కు ఒకటి కన్నా ఎక్కువ మందులతో చేసే చికిత్స సమర్థంగా పనిచేస్తుంది. అయితే మందుల మోతాదును కచ్చితంగా నిర్ణయించటం, ఇవన్నీ క్యాన్సర్‌ ఉన్నచోటుకు చేరుకునేలా చూడటమే సవాల్‌తో కూడుకున్న పని. వీటిని అధిగమించటానికి ఎంఐటీ పరిశోధకులు కొత్త నానోపార్టికల్‌ను రూపొందించారు. బాటిళ్లను శుభ్రం చేయటానికి వాడే బ్రష్‌ ఆకారంలో ఉండే దీనిలో రకరకాల మందుల మిశ్రమాన్ని కూర్చొచ్చు. వీటి మోతాదులను తేలికగా నియంత్రించొచ్చు. ఈ పార్టికల్స్‌ సాయంతో పరిశోధకులు మూడు క్యాన్సర్‌ మందుల నిష్పత్తిని లెక్కించి, ఇవ్వగలిగారు. విడిగా ఇచ్చినప్పటికన్నా పార్టికల్‌ ద్వారా అందించినప్పుడు ఇవి ప్లాస్మాకణాల క్యాన్సర్‌ కణితిని కచ్చితంగా గుర్తించటం విశేషం. కణితి ఉన్నచోటికి మందులు చేరుకున్నాకే పని ఆరంభించటం వల్ల దుష్ప్రభావాలూ తక్కువగా ఉంటాయి. వీటిని వివిధ రకాల క్యాన్సర్ల చికిత్సకూ వాడుకోవచ్చని పరిశోధకులు చెబుతున్నారు.