ఆయుష్షు పెంచుకోండి!

వయసు మీద పడుతున్నకొద్దీ క్రోమోజోముల తోక భాగాలు పొట్టిగా అవుతుంటాయి. ఫలితంగా మంచాన పడే ముప్పూ పెరుగుతుంది. అలాగని నిరాశ పడాల్సిన పనిలేదు. ఆరోగ్యకరమైన ఆహారం తినటం, వ్యాయామం చేయటం వంటి జీవనశైలి మార్పులు పాటిస్తే సరి. వీటితో క్రోమోజోముల తోకల పొడవును పెంచే ఎంజైమ్‌ ఉత్పత్తి ఎక్కువవుతుంది.
* మనస్సాక్షికి లోబడి పనిచేసేవారు.. అంటే అన్ని విషయాలను క్షుణ్నంగా పరిశీలించి, ఆలోచించి, సరైన విధంగా నడచుకునేవారు ఎక్కువకాలం జీవిస్తున్నట్టు 80 ఏళ్ల పాటు నిర్వహించిన అధ్యయనంలో బయటపడింది. ఇలాంటివారు తమ ఆరోగ్యం కోసం మరింత ఎక్కువ శ్రద్ధ చూపటం.. ఆత్మీయ సంబంధాలు, మంచి కెరీర్‌కు దారితీసే నిర్ణయాలు తీసుకోవటం వంటివి ఆయుష్షు పెరగటానికి తోడ్పడుతున్నాయి.
* స్నేహితులతోనూ ఆయుష్షు పెరుగుతుంది. బలమైన సామాజిక అనుబంధాలు, దీర్ఘాయుష్షుకు సంబంధం ఉంటున్నట్టు పలు అధ్యయనాలు చెబుతున్నాయి.